Tutynýshylardyń quqyqtaryn qorǵaý komıtetiniń basshylyǵy tanystyryldy - QR UEM

ASTANA. QazAqparat - QR Ulttyq ekonomıka mınıstri Erbolat Dosaev ujymǵa Tutynýshylardyń quqyqtaryn qorǵaý komıtetiniń basshylyǵyn tanystyrdy, dep habarlady QR UEM baspasóz qyzmetinen.

Komıtet tóraǵasy - budan buryn QR Básekelestikti qorǵaý agenttigi tóraǵasynyń orynbasary laýazymyn atqarǵan Álıaqpar Mátishev.

Komıtet tóraǵasynyń orynbasary (QR bas memlekettik sanıtarlyq dárigeri) - budan buryn QR Tutynýshylardyń quqyqtaryn qorǵaý agenttigi tóraǵasynyń orynbasary laýazymyn atqarǵan, QR bas memlekettik dárigeri Jandarbek Bekshın.

Komıtet tóraǵasynyń orynbasary - budan buryn QR Tutynýshylardyń quqyqtaryn qorǵaý agenttigi tóraǵasynyń orynbasary bolǵan Murat Tóleýtaı.

«Birinshi qańtardan bastap Qazaqstan jańa ekonomıkalyq birlestikke kiredi, sonyń sheńberinde komıtettiń róli túbegeıli ózgeredi», - dep atap ótti mınıstr.

Erbolat Dosaev Keden odaǵy men DSU aıasynda ózekti tehnıkalyq tosqaýyldar men tutynýshylardyń quqyqtaryn qorǵaý máselelerine den qoıýdy tapsyrdy.