Tutynýshylardan qosymsha aqy alyp kelgen kompanııaǵa aıyppul salyndy

ATYRAÝ. QazAqparat - Atyraý oblysy boıynsha tabıǵı monopolııalardy retteý departamenti prokýratýra uıǵarymy negizinde «Jylyoıgaz» JShS-niń «Tabıǵı monopolııalar týraly» Zań talaptaryn saqtaýyna qatysty jospardan tys tekserý júrgizdi, dep habarlaıdy QazAqparat.

Tekserý barysynda «Jylyoıgaz» JShS-niń qoldanystaǵy gaz qubyryn tartý, iske qosý jáne tutynýshylardyń gaz jabdyqtaryna gaz jiberý jumystaryn júrgizý úshin qosymsha aqy alatyny anyqtaldy.

«Bul rette, «Tabıǵı monopolııalar týraly» Zańnyń 24-baby 10-bóliginiń 3-tarmaǵyna sáıkes, rettelip kórsetiletin qyzmetti qoljetimdi etý nemese retteletin qyzmet kólemin ulǵaıtý kezinde tutynýshyǵa jelige qosylýdyń tehnıkalyq sharttaryn saqtaýdy qospaǵanda, ózge talaptar qoıýǵa tyıym salynady. Osyǵan baılanysty departament «Jylyoıgaz» JShS-ine qatysty zańsyz tájirıbeni toqtatý týraly uıǵarym shyǵardy. Búginde bul uıǵarym oryndaldy. ÁQBtK-niń 164-babynyń 4-bóligine sáıkes, kásiporynǵa 980 160 teńge kóleminde aıyppul salyndy», - dep habarlady departamentten.

Aıta keteıik, buǵan deıin Atyraý oblysynyń ekologııasyna zııan keltirip otyrǵan kásiporyndar atalǵanyn jazǵan bolatynbyz. Óńirde sońǵy 5 jylda ekologııany buzýǵa qatysty 47 oqıǵa tirkelgen.