Tutynýshylar ózderiniń quqyǵyna nemquraıdy qaraıdy - Aıman Imantaeva
Bul týral búgin Almatyda ótip jatqan «Ónerkásip kásiporyndaryndaǵy kásibı aýrýlardan saýyqtyrýdaǵy durys tamaqtaný jáne densaýlyq úshin aýyr eńbek tártibin tómendetý saldarlary» dep atalatyn dóńgelek ústel jıynynda aıtyldy.
«Byltyr da, aǵymdaǵy jyly da bizge 2011 jyly jáne aǵymdaǵy jyly tamaq ónimderiniń sapasyna baılanysty naqty birde-bir shaǵym túsken joq. Kóp jaǵdaıda tutynýshylar óz quqyn qorǵaý úshin eshqaıda shaǵymdanbaıdy. Saýda oryndarynan otbasynyń qajettiligi úshin satyp alǵan 1-2 lıtr sút ne aırany sapasyz bolsa, ony laqtyrýmen ǵana shekteledi», - deıdi qalalyq memlekettik sanıtarlyq-epıdemıologııalyq qadaǵalaý departamentiniń Azyq-túlik nysandaryn sanıtarlyq-gıgıenalyq qadaǵalaý bóliminiń bastyǵy Aıman Imantaeva. Onyń aıtýynsha, buǵan olardyń kóbine-kóp baǵasynyń arzandyǵyna qyzyǵyp, sapasy kúmándi ónimdi jaıma bazardan satyp alýy túrtki bolýda. Sondaı-aq óziniń quqyna nemquraıdy qaraýy da yqpal jasaýda. Eger tutynýshylardyń óz eńbegine jáne densaýlyǵyna degen jaýapkershiligi joǵary bolsa, qazir qalada ónim sapasyna saraptama jasaýǵa qajetti zerthanasy bar uıymdar qalada jetkilikti. Tipti tutynýshylar quqyn qorǵaý odaǵy, Kásipkerler odaǵy sııaqty arnaıy uıymdarǵa júginýge de múmkindik bar.