Tutynýshylar quqyǵyn qorǵaý komıteti Bek Eır isiniń Almaty sotyna berilýine qarsy
14:19, 25 Aqpan 2020
NUR-SULTAN. QazAqparat – QR Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıteti Bek Eır isiniń Almaty sotyna berilýine qarsy, dep habarlaıdy QazAqparat tilshisi.
Buǵan deıin habarlanǵandaı, 2020 jylǵy 31 qańtarynda tutynýshylardyń quqyqtaryn qorǵaý komıteti Bek Eır áýe kompanııasyna Nur-Sultan qalasynyń mamandandyrylǵan aýdanaralyq ekonomıkalyq sotyna sot talap aryzyn bergen bolatyn.
«2020 jylǵy 20 aqpanda talap aryzdyń aldyn ala qaralýy ótti. Onyń qorytyndysy boıynsha sot isti Almaty qalasynyń Túrksib aýdandyq sotyna berýdi uıǵardy. Komıtet osy sheshimmen kelispeıdi. 2020 jylǵy 21 aqpanda Nur-Sultan qalalyq MAES sotynyń uıǵarymyna jeke shaǵym berildi. Komıtet aryzyn Nur-Sultan qalalyq sotynyń qoldanystaǵy zańnama negizinde qaraýyn talap etedi», - delingen mınıstrlik aqparatynda.