Tutynýshylar kommýnaldyq qyzmetter úshin 14 mlrd teńge qaryz

NUR-SULTAN. QazAqparat – Tutynýshylar kommýnaldyq qyzmetter úshin 14 mlrd teńge qaryz. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Osy jyldyń qyrkúıeginde tutynýshylardyń kommýnaldyq qyzmetter úshin bereshegi 14,4 mlrd teńgeni quraıdy 4 óńirde eń kóp debıtorlyq bereshek bar», - dedi mınıstr.

Sonymen qatar ol Memleket basshysynyń Joldaýyn oryndaý maqsatynda taýar bırjalarynyń qyzmetin retteýdi jetildirý is-sharalar qabyldanǵanyn aıtty.

«Mınıstrlik óńirlik operatorlarǵa qoıylatyn talaptar bóliginde usynymdar ázirledi. Osy usynymdar negizinde ákimdikter óńirlik operatorlardy anyqtady. Olar qazirgi ýaqytta saýda-sattyqqa deldaldarsyz tikeleı qatysady jáne kómirdi sońǵy tutynýshyǵa, ıaǵnı halyqqa satady», - dedi Beıbit Atamqulov.