Tutyný suranysynda belsendilik artty - Ulttyq bank tóraǵasynyń orynbasary
Bul týraly Ulttyq bank tóraǵasynyń orynbasary Danııar Aqyshev búgin Almatyda ǵalamtordy paıdalanýshylarmen ótken on-laın konferentsııada aıtty, dep habarlaıdy QazAqparat.
"Tutyný suranysynda bıyl belsendilik ósti. Oǵan bólshek taýar aınalymy men halyq kirisiniń ósýi de aıǵaq bola alady. Biz 2009 jyly tutyný suranysynda jaǵymsyz aǵymdy baıqaǵan bolatynbyz. 2010 jyly tutyný suranysynda belsendilik artty", deıdi Danııar Talǵatuly. Ulttyq bank tóraǵasy orynbasarynyń sózine qaraǵanda, oǵan aldymen daǵdarysqa qarsy baǵdarlama aıasyndaǵy memlekettiń qoldaýy óz áserin tıgizdi. Ekonomıkalyq suranysty yntalandyrýǵa jáne jumyssyzdyqty azaıtýǵa aıtarlyqtaı resýrs baǵyttaldy. Odan keıin 2010 jylǵy ekonomıkanyń ósimine baǵa konıýnktýrasy da qolaıly jaǵdaı jasady.