Tutyný naryǵyndaǵy baǵalardyń ósýi baıqalady – Álıhan Smaıylov
«4 aıdyń qorytyndysy boıynsha ekonomıkamyz jaqsy nátıjeler kórsetti. Bul óńdeý sektorynda, qurylysta, aýyl sharýashylyǵynda, baılanysta ónimdi shyǵarýdyń ósýimen baılanysty. Sondaı-aq barlyq óńirde bólshek saýda kólemi ósti. Jandaný kólik salasynda da baıqaldy. Alaıda, biz tutyný naryǵyndaǵy baǵalardyń ósýin baıqap otyrmyz. Jyldyq mánde ınflıatsııa deńgeıi 8 óńirde ortasha respýblıkalyq deńgeıden joǵary. Osyǵan baılanysty ákimdikter men memlekettik organdardyń ekonomıkalyq belsendilikti odan ary qalpyna keltirý is-sharalarymen qatar basty mindetiniń biri áleýmettik mańyzy bar azyq-túlik taýarlaryn turaqtandyrý boıynsha jol kartasyn tıimdi iske asyrý bolyp sanalady», - dedi Álıhan Smaıylov.
Sonymen qatar ol naqtylanǵan bıýdjet jobasynda salyq túsimderi 278 mlrd teńgege ulǵaıtylǵanyn, osyǵan baılanysty memlekettik kirister organdary kásipkerler úshin qıyndyq týǵyzbaı salyq-kedendik ákimshilendirýdi kúsheıtý qajettigin basa aıtty.
«Naqtylanǵan bıýdjettiń shyǵystary 1,2 trln teńgege ulǵaıtyldy. Osyǵan baılanysty ortalyq jáne jergilikti atqarýshy organdar bıýdjettiń árbir deńgeıinde tıisti bıýdjettik rásimderdi jedel júrgizýi qajet. Bul - jerde bastysy ortalyq jáne jergilikti organdardyń ózara is-qımyly. Bul - qarjylandyrý jáne memlekettik satyp alý josparlaryna ózgerister engizý, sonymen qatar kelisimsharttardy ýaqytyly jasasý», - dedi birinshi vıtse-premer.