Tutynýshylardyń shaǵymy artyp barady - Saýda mınıstri

<p>Elimizde tutynýshylardyń quqyqtarynyń buzylýyna qatysty shaǵymy artyp barady. Bul týraly Saýda jáne ıntegratsııa mınıstri Arman Shaqqalıev aıtty, dep habarlaıdy Kazinform.</p>

«Tutynýshylar quqyqtarynyń buzylýyna qatysty shaǵymdar jyl saıyn ósýde. Eger 2020 jyly mınıstrlikke 21 myń ótinish tússe, 2022 jyly bul san 30,2 myńǵa deıin ulǵaıdy. Osy jyldyń 9 aıynda ótinishter sany ótken jylǵa qaraǵanda artyp, 33 myńnan asa ótinish tústi», - dedi mınıstr BAQ ókilderine arnalǵan baspasóz máslıhatynda.

Onyń dereginshe, basqa memlekettik organdarǵa keletin ótinishteriniń sany osy jyldyń 9 aıynda shamamen 74 myńǵa jetip otyr.

«Shaǵymdardyń eń kóp sany bólshek saýdada - 37, elektrondyq saýdada - 20, turmystyq qyzmetterde - 10, turǵyn úı-kommýnaldyq sharýashylyqta – 7 paıyzǵa jýyq, al baılanys qyzmetinde 5 paıyz mólsherinde tirkelgen. Atalǵan kórsetkishter bir jaǵynan – tutyný tańdaýdaǵy deńgeıiniń artýyn, ekinshi jaǵynan – josyqsyz kásipkerlik qyzmettiń ósýin kórsetedi», - dedi Arman Shaqqalıev.