Tutynýshy quqyǵyn qorǵaıtyn ombýdsmen ınstıtýty engiziledi

<p>Tutynýshylardyń quqyǵyn qorǵaý máseleleri jónindegi ombýdsmen ınstıtýty engiziledi. Bul týraly Májilistiń Ekonomıkalyq reforma jáne óńirlik damý komıtetiniń otyrysynda Saýda jáne ıntegratsııa vıtse-mınıstri Qaırat Balyqbaev aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.&nbsp;</p>

«Tutynýshylardyń quqyǵyn qorǵaý máseleleri jónindegi ombýdsmen ınstıtýty taǵaıyndalǵan adamǵa erekshe jarııa mártebesin beredi. Ol memlekettik bıliktiń joǵarǵy eshelondarynda tutynýshylar qaýymdastyǵynyń kózi jáne daýysy retinde qyzmet ete alady. Qoǵamnyń úılestirýshisi qyzmetin atqarady, jaýapkershiligi artady. Máselen, biz bul zańdy daıyndaǵan kezde sheteldik tájirıbeni qaradyq. Mysaly, Polsha men Germanııa memleketterinde osyndaı ombýdsmen ınstıtýty bar», - dedi ol «Tutynýshylardyń quqyqtaryn qorǵaý týraly» zań jobasynyń jáne oǵan ilespe zań jobasynyń tanystyrylymy barysynda.

Onyń atap ótýinshe, 2022 jyly júrgizilgen áleýmettik saýalnama nátıjesinde 10 myń respondenttiń 56 paıyzy Tutynýshylardyń quqyǵyn qorǵaý máseleleri jónindegi ombýdsmen ınstıtýtyn engizý qajettigin atap ótken.

«Onyń negizgi fýnktsııalary tutynýshylardyń shaǵymdaryn qaraý, keńes berý, tutynýshylardyń quqyǵyn qorǵaýdyń qoǵamdyq ınstıtýttaryn úılestirý, normatıvtik-quqyqtyq aktilerdiń jobalaryn ázirleýge qatysý, tutynýshylardyń quqyǵy qorǵaý salasyndaǵy isterdiń jaı-kúıi týraly jyl saıyn baıandama qalyptastyrý, sotta tutynýshylardyń belgisiz tobynyń quqyǵyn qorǵaý bolady», - dedi Qaırat Balyqbaev.