Tutynýshy quqyǵy: Taýarlardy foto-vıdeoǵa túsirýge bola ma

<p>ASTANA. KAZINFORM &ndash; Áleýmettik jelilerde keıbir taýarlardyń sapasy men saqtalý merzimine qatysty daýly vıdeolar tarap jatady. Osy oraıda tutynýshylar nemese qoǵam belsendileri taýarlardy foto-vıdeoǵa túsirip, taratýǵa quqyly ma?</p>

Bul saýalǵa Astana qalasynyń saýda jáne tutynýshy quqyǵyn qorǵaý departamentiniń basshysy Nurǵalı Egemberdıev jaýap berdi. 

«Saýda mınıstrligi tutynýshylardyń múddesin qorǵaý jáne qamtamasyz etý maqsatynda «Sapaly ónim» qoǵamdyq tujyrymdamasyn iske qosty. Joba ishki naryqtaǵy azyq-túlik qaýipsizdigin qamtamasyz etý boıynsha úılestirýdi kózdeıdi. Negizgi baǵyty – normatıvterdiń buzylýyn, tutynýshylardyń quqyǵyn jáne básekelestikti josyqsyz buzatyn áreketterdi anyqtaý. Ol úshin kerekti zańnamalyq quraldar men bazalyq jıyntyqtar bar», - dedi Nurǵalı Egemberdıev Astana qalalyq kommýnıkatsııalar qyzmeti alańynda ótken baspasóz máslıhatynda. 

Departament basshysynyń aıtýynsha, qoldanystaǵy tutynýshy quqyǵyn qorǵaý zańnamasynda qoǵamdyq birlestikterge mynadaı múmkindikter beredi:

- taýardyń tutynýshylyq qasıetterin zertteý;
- taýardyń sapasy men qaýipsizdigine saraptama júrgizýge bastamashylyq jasaý;
- ónimniń sapasy týraly qoǵamdyq pikirdi anyqtaý úshin halyqqa saýalnama júrgizý;
- taýardyń sapasyn baǵalaý maqsatynda memlekettik organdarǵa júginý;
- tutynýshylardyń múddesi úshin sotqa talap qoıý;
- ónimniń sapasy men qaýipsizdigin zertteý nátıjesi týraly aqparatty taratý.

«Qoǵam belsendileri taýardy satý oryndaryna barǵan kezde jasalatyn barlyq áreketterdi foto-aýdıo jáne beınetirkeýdi qoldanýǵa quqyly. Búgingi tańda ishki naryqta azyq-túlik qaýipsizdigin qamtamasyz etý Memleket basshysy qoıǵan basty mindet», - deıdi ol.