Tutynýshy dúkendegi taýardy abaısyzda búldirip alsa, aqy tóleýi kerek pe – zańger jaýaby

<p>ÓSKEMEN. KAZINFORM &ndash; Dúkenge, sýpermarketke kelgen adam sóredegi taýardy abaısyzda qulatyp nemese búldirip alatyn jaǵdaılar bolady. Sol kezde dúken ıesi odan taýar qunyn talap ete ala ma degen saýal týyndaıdy. Bul suraqqa zańger Alekseı Bajkov jaýap berdi.&nbsp;</p>

«Eger osyndaı jaǵdaı bolsa dúken ıesi ol adamnan keltirilgen materıaldyq zııannyń ornyn toltyrýdy talap etýge quqyly. Tutynýshy shyǵyndy óteýden bas tartsa, sotqa talap aryz berý kerek», - deıdi óskemendik zańger Alekseı Bajkov. 

Onyń aıtýynsha, sotta eki tarap óz sózin dáleldeıtin bolady. Qazaqstan Respýblıkasy Azamattyq kodeksiniń 917-babyna sáıkes múliktik zalal keltirgen adam shyǵyndy tolyq kólemde óteýi tıis. 

«Dese de dúken ıesiniń de jaýapkershiligi baryn umytpaý qajet. Bálkim ol dúkendegi kelýshiler júretin jerdi tym tar qylyp qoıyp, sonyń saldarynan keleńsiz jaǵdaı bolýy múmkin. Eger solaı bolsa, taýardy abaısyzda qulatyp alǵan adamnan materıaldyq zııandy óndire almaýy yqtımal», - dep túsindirdi zańger.

Eske salsaq, buǵan deıin zańger adamdy kóshede toqtatyp, áskerge alyp ketý qanshalyqty zańdy ekenin aıtqan bolatyn.