Tursynbaı Qulahmet qarsylasyn nokaýtqa túsirdi

NUR-SULTAN. QazAqparat - Qazaqstandyq boksshy Tursynbaı Qulahmet (3-0, 2 KO) Almatydaǵy MTK Kazakhstan promoýterlik kompanııasy uıymdastyrǵan boks keshinde rıngke «Rokkı» laqap atymen shyǵatyn reseılik Alekseı Evchenkomen (19-14-2, 8 KO) aıqasty, dep habarlaıdy QazAqparat Sports.kz-ke silteme jasap.

Orta salmaq dárejesindegi jekpe-jek on raýndqa josparlanǵan bolatyn. Birinshi raýndta-aq Qulahmet qarsylasyn nokdaýnǵa jiberdi, sodan keıin de reseıliktiń esin jıdyrmady. Al onynshy raýndta Evchenkony nokaýtqa túsirdi.

Osylaısha, Tursynbaı Qulahmet mansabyndaǵy tórtinshi jeńisine qol jetkizdi, al Alekseı Evchenko kásibı rıngte on besinshi ret súrindi.