Týroperatorlardyń shyǵyndaryn sýbsıdııalaý qaǵıdalary ózgermek

ASTANA. QazAqparat – «Árbir sheteldik týrıst úshin kelý týrızmi salasyndaǵy týroperatorlardyń shyǵyndaryn sýbsıdııalaý qaǵıdalaryna» ózgeris engizý usynyldy. Qujat Ashyq NQA portalynda jarııalandy, dep habarlaıdy QazAqparat tilshisi.

Ózgeristerge sáıkes, sýbsıdııa alý úshin endi týrıstik operatorlar sheteldikten jolaýshy kýponyn talap etpeıdi. Sonymen qatar, buryn bolǵan sheteldik týrıstiń jeke basyn kýálandyratyn qujat, Qazaqstan shekarasyn kesip ótkenin rastaıtyn paraqtardyń kóshirmesi týraly normalar alynyp tastalǵan.

«Qaǵıdanyń 3-tarmaǵy sheteldik týrısterdiń keminde úsh týrıstik resýrsqa (týrıstik oryn) barý faktisin rastaıtyn foto jáne beınetirkeý materıaldary redaktsııasymen tolyqtyrylsyn. Týroperatorlardan túsken ótinimderdi ýákiletti organ tirkeıdi jáne olar eki jumys kúni ishinde qujattyń tolyqtyǵyn qaraıdy», - delingen jańa ózgeris engizilgeli otyrǵan qujatta.

Aıta keteıik, qazirgi qoldanystaǵy týrıstik operatorlardyń shyǵandaryn sýbsıdııalaý qaǵıdasynda mundaı normalar joq.

Foto: flylowcost.com.ua