Týroperatorlar jalǵan vaktsına pasportyn satýmen aınalysqan

NUR-SULTAN. QazAqparat – QR Іshki ister mınıstrliginiń resmı ókili Nurdildá Oraz koronavırýs ınfektsııanyń taralýyna jol bermeý jóninde vedomstvo basshylary qatysqan keńes týraly aıtyp berdi, dep habarlaıdy QazAqparat tilshisi.

«Ótken aptada Іshki iter mınınstrliginde Memleket basshysynyń koronavırýstyq ınfektsııanyń taralýyna jol bermeý jónindegi tapsyrmalaryn oryndaý boıynsha jumys keńesi ótti. Іs-sharaǵa UQK, Bas prokýratýra, Sybaılas jemqorlyqqa qarsy is-qımyl agenttigi, Densaýlyq saqtaý mınıstrligi, Aqparat jáne qoǵamdyq damý mınıstrligi basshylyǵy, sondaı-aq QR ІІM janyndaǵy vedomstvoaralyq arnaıy toptyń músheleri qatysty. Jıyn barysynda Erlan Turǵymbaev jalǵan medıtsınalyq qujattardy usynýdyń tutas shemalary anyqtalǵanyn habarlady», - dedi N. Oraz onlaın brıfıngide.

Osy oraıda keıbir týroperatorlar jalǵan vaktsınatsııa pasporttaryn shyǵarýmen jáne satýmen aınalysqan. Sonymen qatar, olardy temirjol vokzaldarynda, áýejaılarda jáne memlekettik shekaranyń ótkizý pýnktterinde satý faktileriniń joly kesildi

«Vedomstvo basshysy el Prezıdenti ІІM janynan vedomstvoaralyq arnaıy top qurýdy tapsyrǵanyn eske saldy. Top jalǵan vaktsınatsııa pasporttaryn jáne PTR-testileý nátıjelerin qoldan jasaý ári satý faktileriniń jolyn kesý jónindegi jumysty úılestiretin bolady. Osyǵan baılanysty, aqparatty jınaý jáne óńdeý, sondaı-aq anyqtalǵan faktilerge den qoıý sharalary boıynsha ózara is-qımyl tártibi aıqyndalǵan», - dedi resmı ókil.