Týrnık meniń senimdi serigime aınaldy - Tartyl Fest túrkistandyq fınalısi
Búginde Erbolat Іzbasaruly «Tartyl Fest» festıvaliniń fınalyna degen daıyndyqty kúsheıtken. Ol kúndelikti týrnıkke tartylyp, shtanga kóterip kúsh jınap jatyr.
Tańerteń erte turyp júgirýdi de daǵdyǵa aınaldyrǵan.
«Bul festıvaldi uzaq kúttim. Qarasha aıynda bolady degennen beri daıyndyqty bastaǵanmyn. Sodan beri týrnık meniń senimdi serigimniń birine aınaldy» - deıdi ol.
Erbolat ótken jyly Túrkistan qalasynda ótken «Tartyl Fest» festıvaline kezdeısoq qatysqan.
Áleýmettik jeli arqyly habardar bolǵanymen, alǵashqy da qatty kóńil bólmepti. Jarys jaqyndaǵanda tanys aǵalary jarysqa qatysý kerektigin aıtyp qolqa salǵan.
Sonda «Eger qatyssam birinshi oryn alamyn» - dep ázil aralastyryp, ýáde bergen Erbolat sheshýshi kezeńde shynynda da birinshi oryndy jeńip aldy.
Týrnıkke 23 ret tartylyp, jeńis tuǵyrynan kórindi.
«Jarysqa esh daıyndyqsyz keldim. Qatysýǵa kelgen sportshy jastardy kórip, ishteı qorqyp, kóńil kúıim túsip ketti. Alańdy aralap kelgen joldas jigit «alańdama, olardyń bári senen qorqyp otyr» dep kóńil kúıimdi kóterip tastady. Sol úlken kúsh berdi» - deıdi ol.
Erbolat jastaıynan sportpen shuǵyldanǵan. Qazaq kúresi, gımnastıka úıirmelerine qatysyp, kóptegen jarystardan júlde alǵan.
Atap aıtar bolsaq, gir tasyn kóterýden, strıt vorkýat saıystarynan jáne shtanga kóterýden qala jáne oblys birinshilikteriniń jeńimpazy.
Sondaı-aq, shtanga kóterýden sport sheberine úmitker. Búginde ol «Túrkistan-Arena» stadıonyndaǵy fıtnes ortalyqta nusqaýshy bolyp qyzmet atqarady.
«Úıde úsh aǵaıyndymyz. Aǵam ártis. Teatrda jumys isteıdi. Al, ápkem dızaıner. Men sportty tańdadym. Esh ókinbeımin. Qaıta qoldaý kórsetken ákem men anama jáne jubaıyma, otbasyma alǵys aıtamyn» - deıdi ol.
Erbolat eger «Tartyl Fest» festıvaliniń respýblıkalyq saıysynan júlde alsa, jańa kólik alýdy josparlap otyrǵanyn aıtty.
ıAǵnı, sportshy jigit Astanadan «Mersedes» kóligin minip kelmek.
Keıipkerdiń jeke fotosýretteri