Turmysy nashar azamattar TKSh jańǵyrtý baǵdarlamasy boıynsha turǵyn úı járdemin ala alady

ASTANA. 6 shilde. QazAqparat -  Úıdi kútip ustaý men jóndeýge jumsalatyn shyǵyndary jalpy otbasy tabysynyń 10 paıyz artyp ketetin az qamtylǵan páter ıelerine ákimdik turǵyn úı járdemin beredi, dep habarlady pm.kz saıty.

TKSh jańǵyrtýdyń jańa baǵdarlamasyna saı, otbasynyń kommýnaldyq qyzmet pen jalpy úı múlikterin kútip ustaýǵa ketetin shyǵyndary tabystyń 10 paıyzy aspaýy kerek. 10 paıyzy asyp ketetin shyǵyndardy memleket tóleıdi.

Kommýnaldyq qyzmet pen jalpy úı múlikterin kútip ustaýǵa baǵyttalatyn otbasy tabysynyń shektik úlesin máslıhat bekitedi.

Jalpy, TKSh jańǵyrtý baǵdarlamasyna qatysý úshin úı ıeleri turǵyndardyń jalpy jınalysynda úıdi jóndeý jáne kondomınımým nysanyn tirkeý týraly sheshim qabyldaýlary qajet.

Odan keıin turǵyndar ákimdikke ótinish berip, turǵyn úı komıssııasymen berlesip aqaýlar aktisin, jobalyq-smetalyq qujattamalardy jasaıdy. Jóndeý jumystarynyń shyǵyndar smetasy  páter ıeleriniń jalpy jınalysynda bekitiledi.

Ary qaraı páter ıeleri qaıtarym somasyn jınaqtaý úshin bankten shot ashýlary qajet. Bul qarajat mamandandyrylǵan uıymdarǵa jiberiledi, olar óz kezeginde merdigerlerge jóndeý jumystary úshin aqy tóleıdi. Páter ıeleri nesıeni 15 jyl ishinde jaýyp bitiredi.

2011-2020 jyldarǵa arnalǵan TKSh jańǵyrtý baǵdarlamasy boıynsha Qazaqstanda 11 624 turǵyn úıdi jóndeýden ótkizý josparlanýda.