Turmystyq tehnıkalar bir jylda 18% qymbattady
Ulttyq statıstıka bıýrosynyń málimetin sensek, 2021 jyly qazaqstandyq otbasylardyń 100%-y asúı plıtasymen, 99,7%-y tońazytqyshpen, 96,1%-y kir jýǵysh maşıınamen, 94,1%-y shańsorǵyshpen, 79,1%-y qysqatolqyndy peshpen qamtylǵan. Al muzdatý kamerasyn qazaqstandyq otbasylardyń 29,6%-y, elektr qazandy 28%-y, tigin mashınasyn 27,9%-y, kondıtsıonerdi 24,1%-y, tok peshti 18,5%-y, ydys jýǵysh mashınany 3,4%-y kúndelikti turmysta qoldanyp júr.
Kir jýǵysh mashınamen, shańsorǵyshpen, qysqa tolqyndy peshtermen, elektr qazanmen, kondıtsıonermen, tok peshpen, ydys jýǵysh mashınamen qamtylý deńgeıi qalalyqtarda joǵary bolsa, aýyl turǵyndardy tońazytqysh, muzdatqysh, tigin mashınasy sııaqty tehnıkany qalalyqtardan jıi satyp alady.
«10 otbasy dep alsaq, olar 102 tońyztqysh, 102 asúı plıtasy, 97 kir jýǵysh mashına, 95 shańsorǵysh, 79 qysqa tolqyndy pesh, 30 muzdatqysh, 28 tigin mashınasy, 28 elektr qazan, 26 kondıtsıoner, 20 tok pesh, 4 ydys jýǵysh mashına tıesili. Bıylǵy 3 aıdyń qorytyndysy boıynsha, otandyq óndirýshiler bar bolǵany 322 turmystyq tońazytqysh pen muzdatqysh jasap shyǵarǵan. Al osy ýaqytta 144, 9 myń ımporttyq tehnıka ákelingen. Birinshi toqsanda Qazaqstan aýmaǵynda 150,8 myń kir jýǵysh mashına men kir keptirgish tehnıka, 89,1 myń shańsorǵysh, 181,9 myń mıkser ákelingen. Bul tehnıkanyń eshbirin Qazaqstan shyǵarylmaıdy», - delingen Energyprom.kz aqparatynda.
Portaldyń jazýynsha, sáýir aıyndaǵy kórsetkishter boıynsha satyp alynǵan turmystyq tehnıkanyń baǵasy bir jylda 18,1% qymbattaǵan.
Ásirese Almaty oblysynda 21,5% qymbattaý tirkelgen.
Sondaı-aq Jambyl oblysy men (20,7%) jáne Soltústik Qazaqstan oblysy (20%) qymbat óńirlerdiń úshtigine kirip otyr.
Jeke tehnıkalarǵa nazar salsaq, tońazytqyshtar men muzdatqyshtar 15,8%-ǵa, asúı plıtasy 17,2%-ǵa, kir jýǵysh jáne ydys jýǵysh mashına 22%-ǵa, shańsorǵysh 25,1%-ǵa qymbattaǵan.