Turmystyq zorlyq-zombylyq boıynsha otbasylardyń 43%-y tatýlasady

<p>Jyl basynan bergi 9 aıda eldegi turmystyq zorlyq-zombylyqtyń tómendeý úrdisi baıqaldy. Bul jóninde QR Іshki ister mınıstriniń orynbasary Igor Lepeha aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Onyń aıtýynsha, qoǵamda otbasyndaǵy zorlyq-zombylyqqa tózbeýshilik jáne jazanyń bultartpaýshylyq protsesi qalyptasyp keledi.

«Jartyjyldyqtyń qorytyndysy boıynsha turmystyq qylmystardyń ósýi baıqalsa, onda qabyldanǵan sharalar nátıjesinde jyl basynan bergi 9 aıda olardyń tómendeý úrdisi baıqaldy. Bul rette kisi óltirý jáne densaýlyqqa aýyr zııan keltirý sany azaıdy», - dedi I.Lepeha Úkimettiń búgingi otyrysynda.

Sondaı-aq mınıstrlik aldyn alý jumystaryn jandandyrdy. Turmystyq janjalqoılarǵa qatysty 51 myń ákimshilik hattama rásimdeldi.

Sot sheshimi boıynsha 13 myńnan astam adam qamaýǵa alyndy, 11 myń erekshe talap belgilendi. Mundaı is boıynsha medıatsııa tártibimen otbasylardyń 43%-y sotta tatýlasqan.

«Jábirlenýshilerdiń qaýipsizdigi úshin 68 myń qorǵaý nusqamasy shyǵaryldy. Barlyq atalǵan adam profılaktıkalyq esepke qoıylady jáne olarǵa polıtsııanyń kúsheıtilgen baqylaýy júrgiziledi. Nátıjesinde shekteýlerdi buzǵany úshin esepte turǵan 8 myń adam jaýapqa tartyldy», - dedi I.Lepeha.

Buǵan deıin Igor Lepeha Qazaqstanda turmystyq zorlyq-zombylyq jazasy qalaı kúsheıtilgenin aıtyp bergen edi.