Turmystyq zorlyq-zombylyq: Aqtóbede jyl basynan beri 4 adam kóz jumdy

<p>AQTÓBE. KAZINFORM &ndash; Aqtóbede turmystyq jaljal kezinde bıyl 4 adam kóz jumdy. Onyń ekeýi áıel, ekeýi er adam.</p>

Otbasylyq-turmystyq janjal kezinde bıyl polıtsııaǵa 5 myńnan astam qońyraý tústi. Tek áıelder ǵana emes, ata-analar, balalar da zábir kórgen. 

- Ákimshilik quqyqbuzýshylyq týraly kodekstegi 73-baby bıyl maýsymnan bastap Qylmystyq kodekstiń 108 jáne 109-baptaryna aýystyryldy. ıAǵnı, «Densaýlyqqa qasaqana jeńil zııan keltirý», «Uryp-soǵý» baptaryna ózgertildi. Osydan qylmystyń óskeni baıqaldy. Byltyr 20 derek, bıyl 11 aıda 149 qylmystyq is tirkelip tur. Onyń 103-i Qylmystyq kodekstiń 108 jáne 109 baptary boıynsha tirkeldi,- dedi Aqtóbe oblystyq PD áıelderdi zorlyq-zombylyqtan qorǵaý bóliminiń bastyǵy Aqgúl Qasanǵalıeva. 

Bıyl Aqtóbedegi eki daǵdarys ortalyǵyna 200-den astam adam ornalasty. Onyń 79-y áıel bolsa, ózgesi balalar. 

- Bıyl turmystyq zorlyq-zombylyq kezinde 4 adam kóz jumdy. Onyń ekeýi áıel, ekeýi er adam. Otbasyndaǵy jaljal, aıqaı-shý sońy osylaı bolyp tur,- dedi Aqgúl Qasanǵalıeva. 

Eske salsaq, Aqtóbede dáriger Móldir Tomarovanyń páterine balkon arqyly kirip, ony zorlap, qylmysyn jasyrý úshin óltirip tastaǵan sottalýshy 22 jylǵa bos bostandyǵynan aıyryldy.