Túrmeden shyqqan jastardy beıimdeý jobasy bastaldy

NUR-SULTAN. QazAqparat - Jazasyn ótep shyqqan azamattarǵa barlyq ýákiletti memlekettik organdar men úkimettik emes uıymdar kómektese alady. Bul baǵyttaǵy sharalar arnaıy granttyq joba aıasynda qarastyrylǵan, dep habarlaıdy QazAqparat tilshisi.

Azamattyq bastamalardy qoldaý ortalyǵynyń málimetinshe, bul joba respýblıkanyń 14 oblysy men Nur-Sultan, Almaty jáne Shymkent qalalarynda iske asyrylady.

«Biz Shyǵys Qazaqstan, Pavlodar, Almaty, Qostanaı, Mańǵystaý, Aqmola oblystary men Nur-Sultan qalasyn bólip, jobany osy óńirlerde pılottyq rejımde iske asyrýdy usynamyz. Bul aımaqtarda bizdiń moderator-mamandardyń kómegi kórsetiletin áleýmettik beıimdeý qyzmetteri jumys isteıtin bolady», - dedi jobany tanystyrǵan «Antares A» qoǵamdyq qorynyń úılestirýshisi Oksana Pavlıtskaıa.

Júrgizilgen is-sharalardyń nátıjesinde jazasyn ótep shyqqan jastardy jumyspen qamtý úlesi artady dep kútilýde.

Joba aıasynda qoǵam belsendileri probatsııa qyzmetiniń, jergilikti atqarýshy organdardyń ókilderimen birge jumys isteıdi. Sondaı-aq, jazasyn ótep shyqqandar quqyqtyq jáne psıhologııalyq keńes ala alady.

«Biz túrmelerdegi azamattarmen qosymsha aqparattyq kezdesýler ótkizemiz. Sondaı-aq jabyq tıpti mekemelerde jazasyn ótep shyqqan jandardy bosatýǵa daıyndyqty bastaımyz. Bostandyqqa shyqqan jastar qaıda barý kerektigin, jumysqa ornalasýy, qoǵamǵa beıimdelýi úshin olarǵa kim kómektese alatynyn biledi», - deıdi Oksana Pavlıtskaıa.

Onyń aıtýynsha, túrmeden shyqqan qazirgi jastar negizinen shaǵyn bıznes pen qurylys salasynda jumys isteıdi.