Túrmedegi adam terrorlyq akt jasaýǵa daıyndalǵan — UQK

<p>ASTANA. KAZINFORM &ndash; UQK úsh oblystaǵy qylmystyq-atqarý júıesi mekemelerinde 10 radıkaldy dinı ıdeologııa jaqtasynyń zańsyz áreketiniń jolyn kesti. Bul týraly vedomstvonyń baspasóz qyzmeti málim etti.</p>

Bıyl 22 qarashada Ulttyq qaýipsizdik komıteti ІІM-men birlese, Almaty oblysy prokýratýrasynyń úılestirýimen Almaty, Qostanaı jáne Jetisý oblystarynyń qylmystyq-atqarý júıesi mekemelerinde 10 radıkaldy dinı ıdeologııa jaqtasynyń zańsyz áreketiniń jolyn kesti.

— Aldyn ala málimetke sáıkes, fıgýranttardyń biri qamaý jaǵdaıynda terrorlyq akt jasaýǵa daıyndalǵan, al qalǵandary terrorızmdi nasıhattaýǵa qatysyp, terrorlyq áreketterdi uıymdastyrý maqsatynda adamdardy óz qatarlaryna tartýmen aınalysqan. Jaza óteý oryndarynda júrgizilgen tintýler barysynda sýyq qarý, smartfondar jáne basqa da zattaı dálelder alyndy. Bireýiniń ekstremızm úshin sottylyǵy bar. Qalǵandary kisi óltirý, tonaý jáne urlyq úshin jazalaryn ótegen. Sondaı-aq, Almaty qalasynda probatsııalyq baqylaýda turǵan olardyń baılanysy ustaldy, — delingen habarlamada.

Komıtettiń baspasóz qyzmetiniń málimetinshe, joǵaryda atalǵan adamdarǵa qatysty Qylmystyq kodekstiń 255, 256 jáne 259-baptary boıynsha sotqa deıingi tergep-tekserý júrgizilýde. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etilmeıdi.

Aıta keteıik, buǵan deıin UQK asa iri kólemde esirtki saýdalaǵan qylmystyq toptyń jolyn keskeni anyqtaldy.