Túrmede jumyspen qamtylǵandar sany 2018 jylǵa qaraı 75 paıyzǵa deıin artady
G.Ábdiqalyqova forýmǵa qatysýshylarǵa arnaǵan sózinde Qazaqstan Respýblıkasy táýelsizdik alǵan kezeńnen beri qylmystyq-quqyqtyq qatynastardy, onyń ishinde qylmystyq jazalaýdy oryndaý salasynda izgilendirý saıasatyn júıeli ári dáıekti júrgizip kele jatqanyna toqtaldy. Bul baǵytta elimizdiń penıtentsıarlyq júıesin izgilendirý jáne beıtaraptandyrý úderisin odan ári damytýǵa baǵyttalǵan jańa Qylmystyq, Qylmystyq-protsessýaldyq jáne Qylmystyq-atqarýshylyq kodeksterdiń qabyldanýy eleýli qadamǵa aınaldy.
Memlekettik hatshy qatysýshylardy alda kele jatqanTáýelsizdik kúnimen quttyqtap, jumystaryna tabys tiledi. G.Ábdiqalyqova Qazaqstan Prezıdentiniń strategııalyq baǵyty adamnyń tolyqqandy damýy úshin barlyq jaǵdaılar jasaýǵa, onyń quqyqtary men bostandyqtaryn iske asyrýǵa, materıaldyq ál-aýqatyn meılinshe arttyrýǵa baǵyttalǵanyn atap ótti. Forým barysynda qatysýshylar túrmede jumyspen qamtylǵandar sanyn 2018 jylǵa qaraı 75 paıyzǵa deıin arttyrýdy maqsat etip otyrǵan, Halyqaralyq túrme reformasy ázirlegen «Túzeý mekemelerindegi jumyspen qamtamasyz etý - 2017» jobasyn talqylady. Jobada usynylǵan zańnamany jetildirý jáne eńbek qyzmetin uıymdastyrý tájirıbesin, túzeý mekemeleriniń óndiristik bazasy men oqý júıesin damytýdy, bıznes qurylymdaryn tartý sharalaryn qarady. Forým aıasynda sottalǵandardy túzeý jáne áleýmettik beıimdeý, olardyń eńbekke degen daǵdylaryn qalyptastyrý men ushtaý máseleleri jóninde pikir almasyldy.