Túrmede jazasyn óteýshiler ájethana tazalaýǵa mindetti me – Komıtet tóraǵasy jaýap berdi

ASTANA. QazAqparat – Qylmystyq-atqarý júıesi komıtetiniń tóraǵasy Janat Eshmaǵambetov Atbasar túrmesindegi qyzmetkerlerdiń sottalýshydan ájethana tazalaýdy talap etýi qanshalyqty zańdy ekenin aıtty, dep habarlaıdy QazAqparat tilshisi.

«Bizde Qylmystyq atqarý kodeksinde №121-shi bap bar. Ár sottalýshy apta saıyn eki saǵat ózi qamaýda otyrǵan aýmaqty abattandyrý boıynsha aqysyz jumys isteýge mindetti. Bul tek sanıtarlyq torapty jýý ǵana emes, tazalyq jáne boıaý jumystaryn da qamtıdy. Aptasyna eki saǵat – kez kelgen rejımdegi mekemede ár sottalýshynyń mindeti. Ol talaptardy oryndamaý – rejımdi qasaqana buzý. Onyń jazasy Qylmystyq-atqarý kodeksinde kórsetilgen – tártiptik ızolıatorǵa jiberý», - dedi Janat Eshmaǵambetov,

Sondaı-aq, ol sottalýshynyń bul talapqa baǵynbaýǵa haqy joq ekenin eske saldy.

«Onyń basqa tańdaýy joq. Bizde ishtegi tártiptiń erejeleri bar. Sol jerde qandaı jumystar isteýge mindetti ekeni aıtylǵan. Olardyń tıisti kestesi bar. Sol kestedegi jumysty isteýge mindetti», - dedi komıtet basshysy.

Eske salsaq, Aqmola oblysynyń Atbasar túrmesindegi sottalǵandarǵa qatysty kúsh qoldaný deregi boıynsha prokýratýra sotqa deıingi tergeýdi bastaǵanyn jazǵan edik.

Keıin osy oqıǵaǵa baılanysty Amola oblystyq qylmystyq-atqarý júıesi departamentiniń bastyǵy qyzmetinen shettetildi.