Túrme tártibin buzǵandar qansha merzimge sottalady
«Qazirgi tańda jazasyn ótep jatqan tulǵalardyń negizgi bóligi qamaýda ustaýdyń bekitilgen tártibin saqtaıdy, adal eńbek etip, qaıta áleýmettendirý baǵdarlamalaryna qatysady, bilim alady. Bir sózben aıtqanda, túzelýge bet alyp, erkindiktegi qalypty ómirge oralýǵa talpynady. Biraq jaǵymsyz sıpaty basym sanat ta bar. Olar úshin abaqty qalypty ómir súrý ortasyna aınalǵan. Ondaılardyń árqaısysy birneshe ret sotty bolǵan jáne bulardy zańdy saqtaı otyryp ómir súrýge baǵyttaý aıtarlyqtaı qıyn. Onyń ústine ózderinde de nıet joq. Ókinishke qaraı, tárbıemen yqpal etýge baǵyttalǵan sharalardyń kóbi olarǵa sonshalyq áser ete almaıdy», - delingen Kazinform saýalyna joldanǵan jaýabynda.
Jaýapta zańnama bekitken rejımdi moıyndamaıtyn, túzetý mekemesindegi ahýaldy turaqsyzdandyrýǵa tyrysatyndar bar ekeni aıtylǵan.
«Ondaı jaǵdaılarda mekeme ákimshisi sot organdaryna tıisti materıaldardy joldaıdy. Qylmystyq kodekste ondaı áreket úshin 3 jylǵa deıin bas bostandyǵynan aıyrý jazasy kózdelgen. Al áreket toppen jasalsa, 5 jyldan 10 jylǵa deıin bas bostandyǵynan aırylady», - dep jazylǵan jaýapta.