Túrli vaktsınalardy aralastyrýdan nátıje bolmaıdy - ǵalym

NUR-SULTAN. QazAqparat – Sarapshylar tolyq komponentti alý barysynda birneshe vaktsınany aralastyrý múmkindigine qatysty suraqqa jaýap berdi, dep habarlaıdy QazAqparat tilshisi.

QR DSM Ulttyq Ftızıopýlmonologııa ǵylymı ortalyǵy dırektorynyń klınıkalyq jáne ǵylymı jumystar jónindegi orynbasary Lázzat Eralıeva vaktsınalardy almastyryp egýdiń negizi joq ekenin aıtty.

«Antıdenelerdiń qalypty deńgeıi qalyptasýy úshin tek bir vaktsınanyń tolyq komponentin saldyrý kerek. Sebebi QazVac pen «Spýtnık V» vaktsınasyna toqtalsaq, olar tehnologııasy boıynsha múldem ózgeshe ekpeler. Sondyqtan bir vaktsınanyń tolyq kýrsyn aıaqtamaı, basqa preparatty saldyrsaq, odan eshqandaı paıda bolmaıdy», - dedi L. Eralıev Ortalyq kommýnıkatsııalar qyzmetinde.

Óz kezeginde QR Densaýlyq saqtaý mınıstrliginiń Dárilik zattar men medıtsınalyq baǵyttaǵy buıymdardy saraptaý ulttyq ortalyǵynyń sarapshysy Aleksandr Gýlıaev atalǵan pikirmen tolyq kelisetinin aıtty.

«Shynymen de olar ártúrli vaktsınalar bolyp sanalady. Bul turǵyda olardy qosarlap alý múmkin emes jáne mundaı tásilder qarastyrylmaǵan. Osy oraıda vaktsınalaý protsesinde ekpelerdi almastyrýǵa jol bermeý kerek», - dedi A. Gýlıaev.