Túrkistannyń týrızm áleýeti Samarqandta tanystyryldy

<p>SAMARQAND.KAZINFORM &ndash; Túrkistandyq delegatsııa Samarqanda Túrkistan oblysynyń týrıstik potentsıalyn tanystyrý, eki el arasynda týrızmdi damytý, óńirge halyqaralyq reısterdi ashý boıynsha ózbekstandyq tarappen kezdesýge bardy.&nbsp;</p>

Kezdesý aıasynda Túrkistan oblysy Mádenıet jáne týrızm basqarmasynyń orynbasary Nurdáýlet Medeýov, «Qazaqtýrızm» ókilderi Qazaqstannyń, onyń ishinde Túrkistan oblysynyń týrıstik áleýetin tanystyrdy. 

Foto: Mádenıet jáne týrızm basqarmasy

Atalǵan jıynǵa YDA GROUP dırektorlar keńesiniń múshesi Gıývench Hamdı, «Karavansaray Turkistan» týrıstik kompleksiniń dırektory Onan Murat, «Turkistan International Airport» halyqaralyq aeroportynyń dırektory Іlııas Nuǵmanov, týrıstik kompanııa ókilderi, trevel-blogerler qatysty. 

Foto: Mádenıet jáne týrızm basqarmasy

Sharanyń moderatory retinde sóz alǵan Túrkistan oblysy Mádenıet jáne týrızm basqarmasy basshysynyń orynbasary Nurdáýlet Medeýov Túrkistan oblysynyń týrıstik áleýetin, týrızmniń úsh baǵytyn atap ótti. 

Foto: Mádenıet jáne týrızm basqarmasy

«Túrkistan óńiri týrıstik nysandarǵa baı. Bizde emdik-saýyqtyrý, tarıhı-tanymdyq týrızmi, ekotýrızm baǵyttary qarqyndy damýda. Atalǵan baǵyttar boıynsha túrli formatta eki el arasynda aqparattyq týrlar uıymdastyrýǵa bolady» - dedi delegatsııa múshesi. 

Eýrazııa aımaǵynyń barlyq negizgi qurlyqtyq tranzıttik joldarynyń qıylysynda ornalasqan Ortalyq Azııa aımaǵy árqashan Shyǵys pen Batys, Eýropa men Azııa mádenıetteri arasyndaǵy «kommýnıkatsııalyq dáliz» rólin atqaryp otyr. Ózbekstan Respýblıkasy bul baǵytta úlken ról atqarady. Ózbekstanmen aradaǵy týrıstik baılanysty nyǵaıtý maqsatynda eki taraptyń týrıstik kompanııalarynyń resmı kezdesýi B2B formatynda jalǵasyn tappaq.

Foto: Mádenıet jáne týrızm basqarmasy

Esterińizge sala keteıik, 22 naýryzda Túrkistan-Samarqand baǵytynda alǵashqy áýe reısi jasaldy, bul týrızmdi damytý salasyndaǵy ózara qarym-qatynastardy damytýǵa qosymsha yntalandyrý bolady.