Túrkistanǵa erekshe mártebe berilse, ne ózgeredi

<p>Túrkistan qalasyna erekshe mártebe berý týraly zań jobasy jýyqta Parlamentke engiziledi. Bul týraly Túrkistan oblysynyń ákimi Darhan Satybaldy málim etti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Túrkistanǵa erekshe mártebe berý týraly zań jobasyn daıyndaý týraly bastama kóterilgen edi. Sol másele ne bolyp jatyr? Ondaı zań qabyldansa, ol statýs qalaǵa ne beredi?» – dep surady jýrnalıst ortalyq kommýnıkatsııalar qyzmetinde ótken brıfıngide.

Ákimniń aıtýynsha, ol jobany búkil Túrkistan halqy kútip otyr.

«Byltyr prezıdentimiz oblysqa jasaǵan saparynda Túrkistan rýhanı, tarıhı ortalyq bolýǵa laıyq ekenin aıtyp, erekshe mártebe berý kerek degen usynys aıtty. Sol usynysty jumys barysyna alyp, qazir arnaıy zań jobasyn ázirlep, ortalyqqa usyndyq. ıAǵnı, ortalyq memlekettik organdar qarap jatyr. Negizinen kelisimin aldyq. Jaqyn arada biz ony Úkimettiń kelisimimen Parlamentke engizemiz. Jalpy Túrkistan eń kóne qalalardyń biri ekenin bilesizder. Sol jerde UNESCO-nyń tizimine kiretin Qoja Ahmet ıAsaýı kesenesi bar», – dedi ol.

Aımaq basshysy Túrkistandaǵy tarıhı oryndardy osy qalypta saqtap, kelesi urpaqqa jetkizý búgingi býynnyń mindeti ekenin eske saldy.

«Sol sebepten de erekshe statýs berilýi, bylaısha aıtqanda, qosymsha múmkindikter beredi. Bizge ártúrli sheshimder qabyldap, tıisti sharalardy júrgizýge múmkindik beredi. Ekinshiden, bul qalanyń rýhanı jáne mádenı damýyna serpin beredi. Keseneni, qurylystardy retteý kerek. Túrkistan qalasynyń óz stıli bolýy tıis. Osyǵan baılanysty qurylys jónindegi keńes qurylady. Al qalalyq máslıhatqa 65-ke jýyq quzyr beriledi», – dedi oblys ákimi.