Túrkistanǵa erekshe mártebe berilse, qalada jer úı salýǵa shekteý kúsheıtile me

<p>ASTANA. KAZINFORM &ndash; Túrkistan oblysy ákiminiń orynbasary Beısenbaı Tájibaev Túrkistan qalasyna zańmen erekshe mártebe berilse, shahar aýmaǵynda jer úı salýdyń talaptary qalaı ózgeretinin aıtty.</p>

-Túrkistanǵa erekshe statýs berilse, jer úı salý tártibi qalaı ózgeredi? Shekteý kúsheımeı me, - dep surady jýrnalıst Májilistiń jalpy otyrysynda.

Ákimdik ókili tarıhı mańyzy bar eskertkishterdiń mańaıynan basqa aýdandarda eshqandaı shekteý bolmaıtynyn aıtty. Tek jer úı ınfraqurylymy daıyn aýmaqqa salynýy kerek.

- Bul jerde qalanyń ortalyǵyndaǵy belgilengen nysandarda jer úı salýǵa, árıne, bolmaıdy. Bolsa da, qala aýmaǵynda jer úı salýǵa arnalǵan telimder bar, ınfraqurylym tartylǵan. Sol telimderde úı salyp, jumystaryn jalǵastyra alady. Tarıhı eskertkishter aýmaǵynda tyıym bar. Túrkistan aýmaǵynda Qoja Ahmet ıAsaýı kesenesinen bólek 25-ke jýyq saqtaýdy qajet etetin nysan bar. Ol tóńirekterge úı salýǵa bolmaıdy. Týrıstik nysandar aýmaǵynda shekteýler engizilgen, - dedi Beısenbaı Tájibaev.

Aıta keteıik, atalǵan qujat aıasynda Qoja Ahmet ıAsaýı kesenesinen 100 metr radıýsta bıik ǵımarat salýǵa zańmen tyıym salynbaq.

Sondaı-aq, ákimdik ókili depýtattarǵa Túrkistan qalasy nege araqsyz qalaǵa aınalmaı jatqanyn túsindirdi.