Túrkistanǵa ózge óńirler tartý etken ǵımarattardyń búgingi jaǵdaıy qalaı
Buryn Túrkistan qalasynyń ákimdigi men mádenıet úıi retinde halyqqa qyzmet etip kelgen ortalyqtaǵy qos nysannyń taǵdyry el ishinde kóp talqylandy.
Al, Túrkistan qalasy ákimniń orynbasary Talǵat Tólegenov usynǵan jaýapqa súıensek, 2020 jyly burynǵy ákimdik pen mádenıet úıi zańǵa sáıkes aýktsıon arqyly jekeshelendirýge berilgen.
— Atalǵan ǵımarattardy jekeshelendirý kezinde aýktsıonnyń zańsyz ótkeni boıynsha sotqa aryz túsken. Sot sheshimimen eki ǵımarattyń da talap aryzy qanaǵattandyrýsyz qaldyryldy. ıAǵnı bári zań aıasynda ótkizilgeni týraly sheshim shyqty. Qazirgi tańda eski ákimdik ǵımaratynyń jeńimpazy bilim salasyna ınvestıtsııa quıyp, «Bolashaq» kolledjin ashty. Jekeshelendirý kezinde jeńimpazǵa ǵımaratty naqty bir maqsatta paıdalaný boıynsha zań aıasynda mindetteme qoıylmaıdy. Al, mádenıet úıiniń jeńimpazy zańǵa sáıkes ınvestıtsııa tarta otyryp, qandaı maqsatta ǵımaratty qoldanýdy óz quzyrynda qaldyrady, — delingen ákimdik jaýabynda.
Qala ákimdiginiń málimetine súıensek, Túrkistan qalasynda 2020-2024 jyldar aralyǵynda 5 nysan keıinnen satyp alý quqyǵynsyz senimgerlik basqarýǵa berilgen.
Onyń ishinde Shyǵys monshasy, Neke saraıy, Vızıt ortalyǵy, Qolónershiler ortalyǵy, «Jibek joly» attraktsıondar saıabaǵy bar.
— Túrkistan qalasynda sońǵy 5 jylda kóptegen jańa ǵımarattar men nysandar boı kóterdi. Ǵımarattardy kútip ustaý, jetildirý jáne ınvestıtsııa quıý bıýdjetten kóp aqsha talap etedi — deıdi ákimdiktegiler.
Shyǵys monshasy Túrkistanǵa Qyzylorda oblysynyń tartýy retinde turǵyzylǵan. Nysan 2020 jyly «Qurylys Nurcity» JShS-ne 5 jyl merzimge keıinnen satyp alý quqyǵynsyz senimgerlik basqarýǵa berildi.
Alaıda, bıylǵy naýryz aıynda quryltaıshy atynan áreket etetin Túrkistan qalasy ákimdiginiń ekonomıka jáne qarjy bólimi jáne «Qurylys Nurcity» JShS-men 2020 jyly 16 sáýirde jasalǵan senimgerlik basqarý sharty ǵımaratty durys paıdalanbaǵany úshin eki jaqtyń kelisimimen merziminen buryn buzylǵan.
Sodan memlekettik múlik tizilimi veb-portalynda jarııalanǵan elektrondyq saýda–sattyqta jeke kásipker «Orazhan» jeńimpaz atandy. Ol ǵımaratty ınvestıtsııa tartý jáne kiris kózderin ulǵaıtý maqsatynda keıinnen satyp alý quqyǵynsyz 10 jyl merzimge senimgerlik basqarýǵa aldy.
Sondaı-aq, kásipker taza tabystyń 60 paıyzyn bıýdjetke aýdaryp otyrýǵa mindetteldi. Qazirgi tańda óz qarajaty esebinen jóndeý jumystaryn júrgizip jatyr.
Neke saraıy 2021 jyly «Bastama KZ» JShS–ne keıinnen satyp alý quqyǵynsyz 10 jyl merzimge senimgerlik basqarýǵa berilgen. Taza tabystyń 50 paıyzyn jergilikti bıýdjetke aýdaryp otyrady.
Senimgerlik basqarýshy neke qııý rásimderin ótkizý arqyly jáne maqsatty paıdalanýy neke qııý rásimine qajetti qyzmetterdi kórsetetin kásipkerlerge sharshy alańdy sýbarendaǵa berý arqyly paıda taýyp, ǵımarattyń kommýnaldyq shyǵyndaryn, kútip ustaý shyǵyndaryn, aǵymdaǵy jóndeý jumystarynyń shyǵyndaryn jáne salyǵyn, qyzmetkerleriniń jalaqysyn tólep otyrady.
Vızıt ortalyǵy Túrkistan qalasyna keletin týrısterge qolaıly jaǵdaı jasaý, kiris kózderin ulǵaıtý jáne bıýdjet shyǵyndaryn azaıtý maqsatynda zań aıasynda keıinnen satyp alý quqyǵynsyz 10 jyl merzimge senimgerlik basqarýǵa berilgen.
Kásipker ǵımaratqa ınvestıtsııa salyp, barlyq kútip ustaý shyǵyndaryn kóterip, kiristeriniń bir bóligin bıýdjetke tólep otyrýy tıis bolǵan. Degenmen, «Vızıt ortalyǵy» ortalyǵy boıynsha ǵımaratty durys paıdalanbaǵany úshin zańdy tulǵa «Túrkistan ekskýrsııa bıýrosy» JShS-men ekijaqty kelisimge sáıkes kelisimshart buzylyp, atalǵan ǵımarat memleket teńgerimine qaıtaryldy.
Búgingi tańda Túrkistan qalasy ákimdiginiń 2023 jylǵy 16 qarashadaǵy «Kommýnaldyq menshiktiń keıbir máseleleri týraly» № 451 qaýlysy jáne Túrkistan oblysy ákimdiginiń 2024 jylǵy 25 qańtardaǵy № 16 qaýlysymen «Áziret Sultan» memlekettik tarıhı-mádenı qoryq-mýzeıiniń teńgerimine ótkizilgen.
Qolónershiler ortalyǵy — Memlekettik múlik tizilimi veb-portalyndaǵy 2023 jylǵy 30 naýryzdaǵy № 275901 elektrondyq hattama negizinde «Sheber-Art» JShS-ne keıinnen satyp alý quqyǵynsyz 10 jyl merzimge senimgerlik basqarýǵa berilgen. Kásipker taza tabystyń 50 paıyzyn bıýdjetke aýdarady.
«Jibek joly» attraktsıondar saıabaǵy «Ashyq aspan park» JShS-ne keıinnen satyp alý quqyǵynsyz 10 jyl merzimge senimgerlik basqarýǵa berilgen. Munda da taza tabystyń 50 paıyzy bıýdjetke aýdarylady.
Túrkistan qalasy ákiminiń orynbasary Talǵat Tólegenov keıinnen satyp alý quqyǵynsyz senimgerlik basqarý — memlekettik múlikti jekeshelendirý emes ekendigin túsindirdi. ıAǵnı, memlekettik múlik memlekettiń menshiginde bolady, jeke menshikke ótpeıdi.
— Túrkistan qalasy ákimdigi tarapynan berilgen «Shyǵys monshasy», «Qolónershiler ortalyǵy», «Jibek joly» attraktsıondar saıabaǵy, «Neke saraıy» jáne «Vızıt ortalyǵy» ǵımarattary memlekettik múlik tizilimi veb-portaly arqyly elektrondyq tendermen básekelestik ortaǵa múlikti ýaqytsha paıdalanýǵa berý bolyp tabylady. Bul jerde jeke kásipker ǵımarattardy paıdalanýdan tapqan tabysynyń bir bóligin kelisimshartqa sáıkes bıýdjetke aýdarady. Senimgerlik basqarý kelisimshartynyń merzimi bitkennen keıin ǵımarat memleketke qaıtarylady. Senimgerlik basqarý kelisimsharty boıynsha ǵımarat jekeshelendirýge jatpaıtyndyǵyn habarlaımyz, — deıdi Talǵat Tólegenov.
Sondaı-aq, keıinnen satyp alý quqyǵynsyz senimgerlik basqarýǵa berilgen nysandardyń ıelerine jalpy nysan boıynsha maqsatty paıdalanýy, ǵımaratty kútip ustaý, kommýnaldyq tólemderin tólep otyrý, ǵımarattardy Qazaqstannyń barlyq qurylys, órt qaýipsizdigi, sanıtarlyq, ekologııalyq normalaryna keltirýge jáne obektiniń saqtalýyn qamtamasyz etý, ǵımarattardy senimgerlik basqarýshynyń qarajaty esebinen qajetti ınfraqurylymmen (elektr, sý jabdyqtary, káriz, jylý jabdyqtary jelileri) qamtamasyz etý jáne ǵımaratty senimgerlik basqarýdan túsken taza tabystyń bir bóligin jergilikti bıýdjetke aýdarý júktelgen.