Túrkistandyq ustazdar Frantsııa, Malaızııa, Fınlıandııada bilimin jetildiredi

<p>TÚRKІSTAN.KAZINFORM &ndash; Óńirde úzdik pedagogterdi basshylyq qyzmetke konkýrssyz taǵaıyndaý úshin 150 adamnan turatyn kadrlyq rezerv jasaqtaldy. Osylaısha ary taza muǵalimderge qyzmettik mansabyn ósirýge jol ashylyp otyr. Bul týraly Túrkistan oblysy ákiminiń orynbasary Beısenbaı Tájibaev málimdedi.&nbsp;</p>

Túrkistan oblysy respýblıkada eń birinshi bolyp 500-den asa mektep dırektoryn arnaıy menedjment kýrsyna oqytatyn bolady. Almatydaǵy Abaı ýnıversıteti de bastamaǵa úles qosýdy josparlap otyr.

«Túrkistandyq ustazdar men ádiskerler Japonııada Lesson stadı ádisi, AQSh-ta ınklıýzıvti bilim berý, Qytaıda tehnıkalyq jáne kásiptik oqytý baǵyttary boıynsha tájirıbe almasyp qaıtty. Jańa oqý jylynda da osy úrdis jalǵasyn taýyp, pedagogtar Frantsııa, Malaızııa, Fınlıandııa elderinde arnaıy tájirıbelik kýrstardan ótetin bolady. Munda «Jaıly mektep» pen «Maqsatty mektep» ustazdaryna kóbirek tańdaý jasalady», - dedi oblys ákiminiń orynbasary. 

Búginde óńirdegi bilim berý uıymdarynda 500 myńnan astam bala bilim alady. Bul respýblıkadaǵy árbir 7-shi oqýshy Túrkistan oblysynda degen sóz. Al jańa oqý jylynda 52 myńnan astam oqýshy 1 synypqa qabyldanady dep kútilýde.

«Úkimet tapsyrmasy boıynsha bıylǵy oqý jylynda respýblıkadaǵy bilimi tómen mektepterdiń tizimi jasaldy. Túrkistan oblysynyń bilim sapasy tómen 162 mektebi 943 «Maqsatty mektep» ishinde tur. Endigi kezekte óńirdegi osy atalǵan bilim oshaqtarynyń bilim sapasyn jaqsartý boıynsha jospar jasalady. Bul kúnde Prezıdent tapsyrmasyna oraı jemqorlyq jolmen tabylǵan qarjylar memleketke qaıtarylyp, mektep qurylysyna jumsalyp jatyr. Osy qor arqyly oblysta 20 mekteptiń qurylysy bastaldy. Onyń 13-i bıyl paıdalanýǵa beriledi», - dedi Beısenbaı Tájibaev. 

Sondaı-aq bıyl óńirde 4 apatty 5 úsh aýysymdy mektep máselesi tolyǵymen sheshiledi. 14 myń oqýshy bilim alatyn 29 Jaıly mekteptiń qurylysy salynyp jatyr. 

«Bilim salasynda buryn-sońdy mundaı qurylys qarqyn almaǵany anyq. Bıyldyń ózinde balabaqsha, mektep, kolledj, lager jalpy 300-den astam ǵımarat kúrdeli jáne aǵymdaǵy jóndeýden ótýde. Sondaı-aq qazandyqtaryn tabıǵı gazǵa aýystyrý jumystary júrgizilýde. Jańadan salynyp jatqan nysandar da bar. Bul baǵytta respýblıka kóleminde jetekshi óńir. Basym bóligi aýyldy jerlerde ornalasqan. Arasynda 10 jyl jóndeý kórmegen tozyǵy jetken jáne apatty jaǵdaıdaǵy ǵımarattar da bar», - dedi oblys ákiminiń orynbasary. 

Óńirde joǵary synyptarda jaratylystaný baǵytyndaǵy pánder men aǵylshyn tilin tereńdetip oqytý mańyzdy. Sondyqtan jańa oqý jylynda 62 mektepke 3,5 mlrd teńgege 265 arnaıy pán kabınetteri jabdyqtalady. Odan bólek 330 mektepke Ilon Makstyń spýtnıkti Starlink qurylǵysy ornatyldy. Bul ásirese, shalǵaıdaǵy jáne shekaralyq aımaqta ornalasqan mektepterdegi ınternet máselesin túbegeıli sheshti. 

«Bıylǵy oqý jylynda memlekettik 910 mekteptegi 221 myń oqýshy bir rettik tegin ystyq tamaqpen qamtamasyz etiledi. Oǵan 19,4 mlrd. teńge qarastyryldy. Oblysta mektep ashanalary memlekettik-jekeshelik áriptestigi arqyly basqarylmaq. Bul joba bıyl 419 mektep ashanasynda iske asady. Nátıjesinde tsıfrlyq júıe negizinde ashana jabdyqtaryn jańartýǵa merdigerler 2 mlrd. teńgeden astam qaıtarymsyz ınvestıtsııa qarajatyn quıady. Osyǵan baılanysty jańa tsıfrlyq platforma mektep ashanasyna da qatar engiziledi», - dedi Beısen Tájibaev. 

Aıta keteıik, budan buryn Túrkistan oblysynda «Jaıly mektep» qurylysyn jospardan keshiktirgender eskertý alǵanyn jazǵan bolatynbyz.