Túrkistandyq órt sóndirýshi qyz «Altyn burandy» nomınatsııasynyń alǵashqy ıegeri atandy

<p>TÚRKІSTAN. KAZINFORM - Óskemen qalasynda Qazaqstan Respýblıkasynyń órt sendirý-qutqarý sporty boıynsha X áıelder arasyndaǵy qysqy chempıonaty ótti.</p>

Atalǵan chempıonatqa qatysqan túrkistandyq Aıdana Tursyn shabýyl satysymen oqý-jattyǵý munarasynyń ekinshi qabatyna kóterilý kezeńi boıynsha birinshi oryndy ıelendi. Sondaı-aq, 100 metrlik kedergileri bar jolaqtan ótý saıysynda úshinshi oryndy, al chempıonattyń jeke birinshiliktegi qossaıys kezeńinde ekinshi oryndy jeńip aldy. Áıelder arasynda kúnniń eń úzdik nátıjesin kórsetken boıjetken chempıonattyń «Altyn burandy» nomınatsııasynyń alǵashqy ıegeri atandy.

Foto: QR TJM

Jalpy esepte Túrkistan oblysy áıelder qurama komandasy shabýyl satysymen oqý-jattyǵý munarasynyń ekinshi qabatyna kóterilý kezeńi boıynsha ekinshi oryndy, 100 metrlik kedergileri bar jolaqtan ótý boıynsha birinshi oryndy ıelendi. Al, órt sóndirý-qutqarý sporty boıynsha qossaıys nátıjesinde júldeli 1-shi oryndy jeńip aldy.

Foto: QR TJM

Aıta keteıik, buǵan deıin túrkistandyq arý Aıdana Tursyn órt sóndirý-qutqarý sportynan álem chempıony atanǵan bolatyn.