Túrkistandyq kólik júrgizýshiniń aıyppuly 6,6 mln teńgege jetken

<p><span style="font-family: sans-serif; font-size: 18px;">Túrkistan oblysynda jyldamdyq rejımin buzǵan júrgizýshiniń aıyppuly 6 mıllıon teńgeden asyp ketken, dep habarlaıdy QazAqparat tilshisi.</span></p>

Eski kólik qalada erkin júrgen. Tipti, júrgizýshi trassaǵa da shyǵyp, qalaaralyq joldarda kólik tizgindegen. 6 mıllıon teńgeden astam aıyppuly bola tura, jol erejelerin buzǵan.
Tártip saqshylary aıyppuly kóliginen qymbat bolyp ketken júrgizýshini «Shymkent-Samara» tas jolynda toqtatty. Tekserý nátıjesinde júrgizýshiniń ákimshilik aıyppuldarynyń 80 paıyzy jyldamdyq rejımin buzýmen baılanysty ekenin anyqtady.
«Túrkistan oblysynyń patrýldik polıtsııa batalon qyzmetkerleriniń planshetterine «Qorǵaý-qaýipti júrgizýshi» mobıldik baǵdarlamasy arqyly tólenbegen aıyppuldary bar «Folksvagen Passat» markaly avtokólik týraly aqparat berildi. Sot oryndaýshysynyń qaýlysyna sáıkes, onyń jalpy somasy 6,6 mıllıon teńge tólenbegen aıyppuly bolǵan. Tártip saqshylary kólikti aıypturaqqa qoıyp, júrgizýshige bereshekti ýaqtyly tóleý qajettigi týraly túsindirý jumystaryn júrgizdi», - dedi Túrkistan oblysy polıtsııa departamenti bastyǵynyń birinshi orynbasary, polıtsııa polkovnıgi Baǵlanbek Aıtpaev.