Túrkistandyq arý órt sóndirý-qutqarý sportynan álem chempıony atandy

<p>Túrkistanda órt sóndirý-qutqarý sportynan álem chempıony atanǵan Aıdana Tursyn oblystyq Tótenshe jaǵdaılar departamentinde jumys isteıdi. Ol 17 jasynan bastap jeńil atletıkamen aınalysady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Túrkistan oblysynyń Óńirlik kommýnıkatsııalar qyzmetine silteme jasap.</p>

Ol alǵash ret qutqarýshylar arasyndaǵy el birinshiliginde top jarǵan. Byltyr Ózbekstannyń Samarqan qalasynda álem chempıony atandy. Al bıyl Túrkııada ótken jarysta kedergilermen 100 metr qashyqtyqty 16 sekýndta júgirip ótip, ekinshi oryndy ıelengen. Sol básekede 2-qabatqa 7 sekýndta satymen kóterilip, Qazaqstan rekordyn jańartty.

Jas qutqarýshy erlermen ıyq tirestire jattyǵý jasap, sheberligin shyńdaıdy. Onyń Túrkııada ótken álem chempıonatynda 2-qabatqa satymen kóterilgen sáti áleýmettik jelide keńinen taralyp, «Órmekshi qyz» degen laqap atpen kópshilikke tanymal.

- Adamda birinshi kezekte tártip, odan keıin aldynda maqsaty bolýy kerek. Maqsaty bolǵan kezde barlyǵyna ýaqyt tabylady. Áleýmettik jelilerde Túrkııada ótken jarystyń beınesi arqyly kópshilik «Órmekshi qyz» dep tanyp jatady. Bul maǵan shabyt syılaıdy, - deıdi Aıdana Tursyn.

Osyǵan deıin Túrkistandyq Aıdana Tursyndy kópshilik «órmekshi qyz» dep ataıtynyn jazdyq.