Oblystyq Tótenshe jaǵdaılar departamentiniń málimetinshe, tirkelgen órtterdiń basym bóligi turǵyn úılerde bolǵan. Sonymen qatar, keıbir órt jaǵdaılary avtokólikter men saýda oryndarynda tirkelgen.
Mamandardyń aıtýynsha, órttiń negizgi sebepteri — elektr jabdyqtaryn durys ornatpaý, peshterdi montajdaý jáne paıdalaný talaptarynyń saqtalmaýy, sondaı-aq otty abaısyz qoldaný saldarynan bolǵan.
Jalpy materıaldyq shyǵyn kólemi 281 mıllıon teńgeden asyp otyr.
— Órt qaýipsizdigin qamtamasyz etý maqsatynda mobıldi toptar tarapynan 161 reıd júrgizildi. Nátıjesinde 151 azamat ákimshilik jaýapkershilikke tartylyp, jalpy somasy 5,7 mıllıon teńge kóleminde aıyppul salyndy. Bıyl orman alqaptarynda birde-bir órt oqıǵasy tirkelmegenin atap ótkimiz keledi. Al ótken jyly mundaı alty jaǵdaı oryn alǵan bolatyn, — delingen vedomstvo aqparatynda.
Aıta keteıik, budan buryn Petropavlda er adamnyń ústine benzın tógilip, tirideı janyp kete jazdaǵanyn jazǵan bolatynbyz.