Túrkistandaǵy etnoaýylda toǵyzqumalaq alleıasy ashyldy

<p>TÚRKІSTAN. KAZINFORM - Túrkistan qalasyndaǵy etnoaýylda toǵyzqumalaq alleıasy ashyldy. Endi qala qonaqtary men turǵyndary ashyq aspan astynda toǵyzqumalaq oınaı alady.</p>

Dúnıejúzilik kóshpendiler oıynyn qoldaý maqsatyndaǵy ıgi bastamaǵa Túrkistannyń týmasy, toǵyzqumalaq federatsııasynyń vıtse-prezıdenti Maqsat Ramanqulov uıytqy bolyp otyr.

Dúnıejúzilik jáne Respýblıkalyq toǵyzqumalaq federatsııasynyń prezıdenti, qoǵam qaıratkeri Álıhan Baımenov óz sózinde bul shara zııatkerlik pen dástúrdi toǵystyratyn toǵyzqumalaq sport túriniń rýhanı shaharda qarqyndy damýyna jol ashatynyn aıtty.

Foto: Túrkistan oblysy ákimdigi

Іs-sharada Álıhan Baımenov Túrkistan oblysy ákiminiń orynbasary Ertaı Altaevpen toǵyzqumalaq taqtasynda oıyn kórsetti.

Sondaı-aq, alǵashqy saıys uıymdastyrylyp, jeńimpazdarǵa arnaıy syı-sııapat usynyldy. Aldaǵy kúnderi taǵy tórt toǵyzqumalaq taqtasy ornatylyp, el ıgiligine beriledi dep kútilýde.

Aıta keteıik, Túrkistanda ótken jyly ashylǵan Balalar jáne jasóspirimder sport klýbynda qazaq halqynyń murasyna aınalǵan toǵyzqumalaq úıirmesi bar. Munda da jattyqtyrýshylar kóptegen shákirt tárbıelep, jastardy ulttyq sportqa baýlyp júr.