Túrkistanda joǵalǵan 4 jasar balanyń denesi kórshi úıdiń káriz qudyǵynan tabyldy

<p>Túrkistan qalasynda oınaýǵa shyǵyp, iz-túzsiz joǵalyp ketken 4 jasar balanyń denesi tabyldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«3 jeltoqsan kúni kúndiz úzdiksiz júrgizilgen izdestirý jumystarynyń nátıjesinde 4 jasar balanyń máıiti kórshi úı mańyndaǵy káriz qudyǵynan tabyldy. Balanyń denesin sýdmedekspertter tekserip shyǵyp, zorlyq-zombylyq belgilerin tappady.

Qazirgi ýaqytta jedel-tergeý toby, Polıtsııa departamenti men prokýratýranyń basshylyǵy oqıǵa ornynda júr. Bolǵan jǵdaıdyń barlyq mán-jaıy anyqtalyp jatyr», — delingen polıtsııa málimetinde.

Búldirshin 1 jeltoqsanda joǵalyp ketken bolatyn. Іzdestirý jumystaryna 1 myńǵa jýyq adam tartyldy. Onyń ishinde polıtsııa men tótenshe jaǵdaı departamentteriniń jeke quramy, ulttyq ulan sarbazdary, volonterler bar.

2 jeltoqsan kúni dron men ıisshil ıtter tartyldy. Al 3 jeltoqsanda áskerıler jumyldyrylǵany habarlandy.