Túrkistanda jylý qazandyqtary gazǵa aýystyryldy

<p>TÚRKІSTAN. KAZINFORM &ndash; Respýblıka kúni qarsańynda arystyqtar kópten kútken qýanyshqa keneldi. Qalada ornalasqan eski qazandyqtardyń ornyna tabıǵı gazben jumys isteıtin zamanaýı qondyrǵylar ornatylyp, qala halqy jańartylǵan jylý júıesine qosyldy. Bul týraly Túrkistan oblysy ákiminiń baspasóz qyzmeti málim etti.</p>

Jergilikti turǵyndardyń qýanyshymen bólisýge oblys ákiminiń birinshi orynbasary Zulpyhar Joldasov arnaıy baryp, qala basshysy Gúljan Qurmanbekovamen birge «Ortalyq qazandyqtyń» jumys barysyn baqylady.

Jańadan ornatylǵan qazandyqtardyń tehnologııalyq protsesteri tolyǵymen avtomattandyrylǵan. Jobanyń jalpy quny 513 mln. teńgeni quraıdy.

Munda ART Boilers BMKG-13957 modýldik qazandyǵy ornatylǵan. Ol tabıǵı gazben de, dızel otynymen de jumys jasaıdy. Sonymen qatar oblystyq bıýdjet esebinen qazandyqqa deıin 4,7 shaqyrym gaz qubyry tartyldy.

Foto: Túrkistan oblysy ákiminiń baspasóz qyzmeti

Zulpyhar Joldasov bul jobanyń qalanyń damýyna aıtarlyqtaı úles qosatynyn jáne ekologııaǵa oń áserin tıgizetinin atap ótti. Jylý júıesiniń gazǵa kóshýi turǵyndarǵa qolaıly jaǵdaı týǵyzatynyn jetkizdi.

Aıta keteıik, «Arys jylý» mekemesi arqyly qazirgi tańda 27 kópqabatty turǵyn úı (1229 abonent), 11 bıýdjettik mekeme men 10 kommertsııalyq uıym jylýmen qamtamasyz etilip otyr.

Arystyqtar ulttyq merekeni qos qýanyshpen toılady. Mereke qarsańynda qala ortalyǵyndaǵy Áýeshan Salyqbaev kóshesiniń turǵyndaryna tabıǵı gaz berildi. Oblys ákiminiń birinshi orynbasary men qala ákimi alǵashqylardyń biri bolyp «kógildir otynǵa» qosylǵan Tálebıevter áýletine arnaıy baryp, izgi tilekterin jetkizdi.