Túrkistanda jańadan salynǵan kóp qabatty úıdiń elektr jelileri janyp ketti, dep habarlaıdy Kazinform.
Oqıǵa Otyrar shaǵyn aýdanynda bolǵan. Kóp qabatty turǵyn úıdiń elektr qalqany men úshinshi qabat aralyǵynda elektr symdary janyp ketken. Turǵyn úıden 15 eresek adam evakýatsııalanyp, 20 bala qutqaryldy.
«Órtti sóndirýge Túrkistan oblysy Tótenshe jaǵdaı departamentiniń 5 tehnıkasy men 21 qyzmetkeri jáne Polıtsııa departamentinen 2 tehnıka men 5 qyzmetker jumyldyryldy. Órtten qaza tapqandar men zardap shekkender joq. Órttiń shyǵý sebebi anyqtalyp jatyr», - delingen Túrkistan oblysy TJD baspasóz qyzmeti taratqan aqparatta.
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.