Túrkistanda «Zań men tártip» taqyrybynda jastarmen kezdesý ótti

<p>TÚRKІSTAN. KAZINFORM - Túrkistan oblystyq Ádilet departamenti men Túrkistan oblystyq qoǵamdyq damý basqarmasyna qarasty &laquo;Jastar resýrstyq ortalyǵy&raquo; KMM-niń uıymdastyrýymen &laquo;Zań men tártip&raquo; taqyrybynda jastarmen ashyq dıalog ótti.</p>

Іs-sharanyń basty maqsaty-jastardyń quqyqtyq saýattylyǵyn arttyrý, olardyń quqyqtary men mindetterin túsindirý, zańǵa baǵyný mádenıetin qalyptastyrý jáne quqyqtyq máseleler boıynsha kásibı keńes berý. Keleli kezdesýdi Jastar resýrstyq ortalyǵy KMM-niń mamany Aqtóre Qaırat júrgizip otyrdy.

Jıynǵa qatysqan sala mamandary quqyqtyq saýattylyq taqyrybynda oramdy oılaryn aıtyp, usynystaryn jetkizdi.

Foto: Túrkistan oblysynyń Jastar ortalyǵy

Atap aıtar bolsaq, Túrkistan oblysyn Ádilet departamentiniń quqyqtyq túsindirý jumysy jáne zańgerlik qyzmet kórsetý bóliminiń basshysy Nurlan Erbekeshov quqyqtyq saýattylyqty arttyrýdyń paıdasyn túsindirdi.

- Quqyqtyq saýattylyq – jastardyń óz bolashaǵyn durys qurýynyń negizi. Árbir azamat óz quqyǵyn bilip qana qoımaı, ony durys paıdalana bilýi tıis. Búgingi kezdesý sizderge quqyqtyq bilim alýǵa jańa múmkindikter ashady, - dedi ol.

Tájirıbeli advokat Saltanat Kópjasarova zańdy bilý, búgingi qoǵamnyń basty talaby ekendigin aıtty.

- Ár adam óz quqyǵy úshin kúresýge qoryqpaýy kerek. Zań – sizderdiń eń senimdi qorǵaýshylaryńyz, sondyqtan árdaıym zańgerlik kómekke júginý qajet. Ózderińiz de zańdy oqyp, jete túsine bilińizder. Zań- ár adamnyń qorǵany,-dedi Saltanat Kópjasarova.

Al, advokat Polat Jandarbekov ár adam óz quqyǵyn qorǵaýda senimdi ári batyl qadam jasaýy kerektigin jetkizse, jeke sot oryndaýshy Ǵalymjan Egemberdıev zańǵa sáıkes áreket jasaý, jetiktikke jeteleıtindigin aıtty.

Kezdesý sońynda jastar men spıkerler arasynda erkin formatta suraq-jaýap boldy. Qatysýshylar ózderin tolǵandyratyn máseleler boıynsha suraq qoısa, arnaıy mamandardar qoıylǵan saýaldarǵa keń kólemde jaýap berdi. Іs-shara jastar arasynda quqyqtyq saýattylyqty arttyrýǵa jáne zańǵa baǵyný mádenıetin nyǵaıtýǵa baǵyttalǵan jemisti qadam boldy.