Túrkistanda túngi mýzeıge kelgen 300 adamǵa hálim botqa taratyldy

<p>TÚRKІSTAN. KAZINFORM - Q.ıAsaýı kesenesinde mýzeı túni is-sharasy ótti.</p>

Kesenege kelýshiler qolóner sheberleriniń týyndylaryn tamashalady. Sondaı-aq «Abylaıhannyń Q.ıAsaýı kesenesine zııarat jasaýy» atty tarıhı qoıylym kópshilik nazaryna usynyldy. Kesenedegi úlken Aqsaraı, kishi Aqsaraı, meshit bólmelerine ekskýrsııalyq sholý jasaldy. 

Foto: Qaırat Zaınıshev/Kazinform

Saltanatty sharada kópshilikti merekemen quttyqtaǵan «Áziret Sultan» ulttyq tarıhı-mádenı mýzeı qoryǵynyń dırektory Máýlen Sadyqbekov jas hıkmetshilerge «Alǵys hat» tabys etti. Sondaı-aq, sharada 300 adamǵa «hálim botqa» asy taratyldy.

«Buryn munda et pen bıdaıdy 24 saǵat boıy qaınatyp pisiretin «Hálim botqa» tamaǵy daıyndalatyn bolǵan. Aptasyna eki ret ázirlenetin botqany aǵash astaýlarǵa salyp, qarılarǵa, dárýishterge, jarly-jaqybaılarǵa, múgedekterge, jınalǵan kópshilikke, jolaýshylarǵa úlestirgen. Kún saıyn ashanada pisirilgen kúlshe nandy alys joldan kelgen zııaratshylarǵa da taratqan. Búgin biz bul dástúrdi qaıta jańǵyrtyp otyrmyz», - dedi «Áziret Sultan» ulttyq tarıhı-mádenı mýzeı qoryǵynyń ǵylymı qyzmetkeri Dınara Arynova.

Buǵan deıin elordada mýzeı túni aktsııasy ótip jatqanyn jazǵan bolatynbyz.