Túrkistanda tájirıbeli metallýrgke «Qurmet» ordeni tapsyryldy

<p>TÚRKІSTAN. KAZINFORM &mdash; Memleket basshysy Qasym-Jomart Toqaev metallýrgterdi marapattaý týraly Jarlyqqa qol qoıyp, qoǵamdy eńbek adamdaryn qurmetteýge shaqyrǵan bolatyn.</p>

Osyǵan oraı, búgin Metallýrg kúni qarsańynda otandyq metallýrgııa salasyndaǵy jemisti eńbegi, elimizdiń ónerkásiptik jáne ınfraqurylymdyq damýyna qosqan úlesi úshin júzdegen jumysshy memlekettik nagradalarmen marapattaldy. 

Foto: Túrkistan oblysy ákiminiń baspasóz qyzmeti

Túrkistan oblysynda da eńbek adamyna qurmet kórsetildi. Oblys ákimi Darhan Satybaldy tájirıbeli metallýrg, Túrkistan óńiriniń damýyna úles qosqan maman Nurlan Qadyrálıevke «Qurmet» ordenin tapsyrdy. 

Foto: Túrkistan oblysy ákiminiń baspasóz qyzmeti

1965 jyly týǵan azamat Shymkent mehanıkalyq zaýytynda slesar ári bolat balqytýshy bolǵan. Qazir «KARLSKRONA LC AB» kompanııasynda bas bolat balqytýshy bolyp jumys istep júr. Jalpy eńbek ótili 40 jylǵa jýyqtaǵan.  

Foto: Túrkistan oblysy ákiminiń baspasóz qyzmeti

Oblys ákimi marapat ıesine Prezıdentimizdiń eńbek adamdaryna qurmet kórsetýdegi bastamalary týraly aıta kele, Túrkistan obolysyn damytýda metallýrgterdiń de úlesi bar ekenin jetkizdi. 

Foto: Túrkistan oblysy ákiminiń baspasóz qyzmeti

Aıta keteıik, Memleket basshysynyń Jarlyǵymen metallýrgııa salasynda isteıtin 22 jumysshy «Qurmet» ordeniniń kavaleri atandy, 41 ónerkásip qyzmetkeri ІІІ dárejeli «Eńbek dańqy» ordeniniń, 51 adam «Eren eńbegi úshin» medaliniń ıegeri boldy.

Sonymen qatar 7 maman Qazaqstan Respýblıkasy Prezıdentiniń Qurmet gramotasyn ıelendi.