Túrkistanda sheteldik jumys kúshin zańsyz paıdalanǵan 11 adam jaýapqa tartyldy

<p>TÚRKІSTAN. KAZINFORM — Búginde óńirde «zańsyz kelýshi» jedel-profılaktıkalyq is-sharasy ótip jatyr. Tártip saqshylary bir kún ishinde kóshi-qon zańnamasyn buzǵan 280 adamdy anyqtady.</p>

Jalpy 229 sheteldik pen 51 jergilikti turǵyn ákimshilik jaýapkershilikke tartyldy. 

Atap aıtar bolsaq, sheteldikterge turǵyn úıdi zańsyz bergeni úshin 40 quqyq buzýshy jáne sheteldik jumys kúshin zańsyz paıdalanǵany úshin 11 adamǵa shara qoldanyldy.

Sondaı-aq, Saıram aýdanynda kóshi-qon salasyndaǵy zańnamany buzǵan jaqyn shetelden kelgen 4 adam anyqtalyp, olarǵa qatysty jınaqtalǵan materıaldar sotqa jiberildi.

«Jalpy kóshi-qon týraly zań talaptaryn óreskel buzǵan 60 sheteldik sot sheshimimen elden shyǵaryldy. Azamattardy qoǵamdyq tártipti qamtamasyz etýge jáne quqyq buzýshylyqtardyń jolyn kesýge baǵyttalǵan jedel-profılaktıkalyq is-sharalarǵa túsinistikpen qaraýǵa shaqyramyz. Bul baǵyttaǵy jumystar aldaǵy ýaqytta da jalǵasyn tabatyn bolady», — delingen Túrkistan oblysy polıtsııa departamentiniń baspasóz qyzmeti taratqan aqparatta.

Buǵan deıin habarlaǵanymyzdaı, Túrkistan oblysynda 358 jumyskerdiń eńbek quqyǵy qorǵaldy.

Sonymen qatar, Túrkistan oblysynyń Túlkibas aýdanynda jumyssyzdyq deńgeıin tómendetýge basymdyq beriletini aıtyldy.