Túrkistanda múgedektigi bar azamattardy qoldaýda atqarylyp jatqan jumys kóp
Májiliske salaǵa jaýapty departament jáne basqarma basshylary, jumyspen qamtý jáne áleýmettik baǵdarlamalar bólimderiniń jetekshileri, múgedekter isi jónindegi oblys, aýdan jáne qala ákimderiniń shtattan tys keńesshileri múgedektigi bar adamdardyń qoǵamdyq birlestikter tóraǵalary shaqyryldy.
«Múgedektigi bar jandar — qaısarlyqtyń úlgisi. Olardyń ómirge degen talpynysy, tabandylyǵy, qushtarlyǵy, qıyndyqtardy eńserýi júregimizge senim uıalatady. Eshbir synaq adam boıyndaǵy kúsh-jigerdi jeńe almaıdy. Biz barlyǵymyz bir qoǵamnyń múshesimiz jáne árqaısymyzdyń quqyǵymyz teń. Inklıýzıvti qoǵam qurý jáne qoldaý kórsetý mańyzdy. Sebebi olardyń arasynda bilimdi azamattar, tabysty kásipkerler, shyǵarmashylyqqa jaqyn óner ıeleri, sportshylar, ınnovatsııalyq jobalardyń avtorlary, qoǵam qaıratkerleri, túrli salada jetistikke jetken tulǵalar bar. Búginde memlekettik baǵdarlamalar iske asyrylýda. Túrkistan óńirinde múgedektigi bar azamattardyń quqyqtaryn qorǵaý jáne áleýmettik jaǵdaıyn jaqsartýda tıisti sharalar uıymdastyrylyp keledi. Bilim berý, jumyspen qamtý, densaýlyq saqtaý, áleýmettik kómek, ońaltý qyzmetteri, saıası jáne qoǵamdyq ómirge qatysýyna múmkindikter qarastyrylǵan. Sizderdi mańyzy erekshe kúnmen quttyqtaımyn! Búgin júrgizilip jatqan ister men josparlardy saralaýǵa jınaldyq. Suraqtaryńyzǵa qulaq túrip, usynystardy birge talqylaıyq», — dedi Beısen Dáýletuly.
Oblystyq jumyspen qamtýdy úılestirý jáne áleýmettik baǵdarlamalar basqarma basshysynyń orynbasary Nurjan Nurashov atalǵan baǵytta atqarylyp jatqan jumystardy baıandady.
Túrkistan óńirinde 100 myńǵa jýyq múgedektigi bar turǵyn bolsa, onyń 15 myńdaıy 18 jasqa deıingi balalar. Oblys kóleminde áleýmettik qyzmetter portaly máseleleri jónindegi komıssııamen ońaltýdyń tehnıkalyq quraldaryn tirkeý boıynsha 22 myńnan astam ótinim qaralyp, 49% ótinim portalǵa tirkeýge jiberilgen. Qazirgi tańda 80 paıyzǵa jýyǵy qamtamasyz etildi. Onyń ishinde sanatorıılik-kýrorttyq emdeý qyzmetin 12 myńǵa jýyq adam qol jetkizdi. Jańa bıznes-ıdeıalardy qoldaý maqsatynda 300-den asa múgedektigi bar adamǵa qaıtarymsyz grant berildi. Erekshe fızıkalyq qajettilikteri bar adamdarǵa arnalǵan 50 áleýmettik taksı qyzmetteri kórsetilýde. Invataksıler júrip-turýy qıyn, tirek-qımyl apparaty buzylǵan azamattardy tasylmaldaý úshin olardyń minip-túsýine arnalǵan arnaıy qurylǵylarmen jabdyqtalǵan. «Amanat» partııasynyń 2023-2027 jyldarǵa arnalǵan «HALYQPEN BІRGE!» saılaýaldy baǵdarlamasyn oryndaý boıynsha jol kartasyna sáıkes 2021-2024 jyldar aralyǵynda 1426 nysan beıimdeýden ótti. Sonymen qatar. partııanyń «Kedergisiz keleshek» jobasy aıasynda balalarǵa arnalǵan «Teń múmkindikter» atty ınklıýzııalyq sport festıvali uıymdastyryldy. Jumysqa ornalastyrýdan bastap, quqyqtyq, qarjylyq, psıhologııalyq taǵy da basqa keńes berý maqsatynda «TEN QOGAM» ortalyqtary oblysymyzdyń 15 aýdan, qalasynda ashylyp azamattarǵa qyzmetter usynýda. Ortalyqta túrli trenıngter, semınarlar, ekskýrsııalar uıymdastyrylady. Jýyrda Saýran aýdany, Oranǵaı aýyldyq okrýginde 200 oryndyq «Samǵaý» ońaltý ortalyǵy ashylýy josparlanýda.
Suraq-jaýap bóliminde múgedekter arbasymen qamtý, ınvataksıdi kóbeıtý, qoljetimdi orta qurýǵa nazar aýdarý jaıy qozǵaldy. Jıyn marapattaýmen qorytyndylandy. Respýblıka kúni qarsańynda qoǵamdyq jumystarǵa belsene aralasyp júrgen 20-ǵa jýyq azamat oblys ákimininiń gramotasy men «Amanat» partııasynyń Alǵys hatyna, oblystyq máslıhat tóraǵasynyń gramotasyna ıe boldy. Qoǵamdyq birlestikter men qaıyrymdylyq qor tóraǵalary Dúısenáli Júsipov, Shaltan Erkinbaı, Dastan Orynbasarov «Oblysqa sińirgen eńbegi úshin» tósbelgisimen marapattaldy.