Túrkistanda maqtanyń elıtalyq sorty ósirilip, mata zaýyty ashylady

<p>TÚRKІSTAN. KAZINFORM — Túrkistan oblysynda maqta ónimdiligin kóbeıtip, shıkizatty tereń óńdeıtin 9 joba iske qosylady. Bul týraly óńir ákimi Darhan Satybaldy eseptik kezdesýinde aıtty. </p>

«Bizdiń óńirdiń basty ereksheligi — halyqtyń 80 paıyzy aýyldarda turady. Sondyqtan da aýyl sharýashylyǵy — halyq turmysynyń mańyzdy salasy bolyp esepteledi. Biz aýyl sharýashylyǵyn ártaraptandyrý, sý únemdeý tehnologııalaryn engizý, mal men ósimdik ónimin tereń óńdeý baǵytynda jumys júrgizýdemiz. Aýyl sharýashylyǵynda ónim kólemi 958 mlrd teńgeni qurap, 105,8% ósim kórsetti. Osyǵan sáıkes, óndirilgen ónim kólemi boıynsha oblysymyz respýblıkada joǵarǵy kórsetkishke ıe», — dedi D. Satybaldy Ortalyq kommýnıkatsııalar qyzmetinde ótken eseptik brıfıngte.

Túrkistan oblysy — respýblıkada maqta ósiretin jalǵyz aımaq. Bıyl 106 myń gektarǵa maqta egildi. Degenmen, dástúrli ádisti qoldanǵandyqtan, onyń ónimdiligi de tómen bolyp otyr. 

«Endi zamanaýı sýdy únemdeý tehnologııalaryn qoldana otyryp, maqtanyń elıtalyq sorttaryn ósiretin jáne shıkizatty tereń óńdeıtin maqta-toqyma klasterin qurý qolǵa alyndy. ıAǵnı, maqta ósirýden bastap jip, mata jáne kıim sııaqty daıyn toqyma ónimderin óndirýge deıin qamtylady. Túrkistan qalasynda 147 mlrd teńgege maqtany tereń óńdeıtin iri zaýyttyń qurylysy bastaldy. Zaýytta 4 myńnan astam jumys orny ashylyp, jylyna 13 myń tonna ıirilgen jip, 50 mıllıon metr úı toqyma buıymdary, 7 mıllıon dana tósek-oryn shyǵarady», — dep túsindirdi aımaq basshysy.

Jalpy maqta klasterinde 226 mlrd teńgeni quraıtyn 9 jobany iske asyrý josparlanǵan. Olar tolyq iske qosylǵanda 41 myń jumys orny qurylady. Maqta ónimdiligi 3 esege deıin artyp, kórsetkishi gektaryna 70 tsentnerge jetýi tıis.

Budan bólek, júgerini tereń óńdeıtin Krahmal-sirne zaýyty salynýda. Joba quny 36 mlrd teńgeni qurasa, jyldyq qýaty 150 myń tonna júgeri óńdeýge múmkindik beredi. Nátıjesinde 550 jańa jumys orny ashylyp, júgeriden 26 túrli ónim shyǵarylady.

Aıta keteıik, oblystaǵy ındýstrııalyq aımaqtarǵa qolaıly jaǵdaı jasaý maqsatynda ındýstrııalyq aımaqtarda elektr energııasy tarıfi 47 teńgeden 25 teńgege deıin arzandatyldy.

Sondaı-aq, óńirde shetel kapıtalynyń qatysýymen 910 mln AQSh dollaryn quraıtyn
6 ınvestıtsııalyq joba bastaldy.