Túrkistanda kúıeý jigit toı ústinde aspanǵa oq atty

<p>Túrkistan oblysynda úılenip jatqan jigit pen dostary jaýapqa tartyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> polıtsııaǵa silteme jasap. </p>

Áleýmettik jelige monıtorıng júrgizý kezinde toı saltanatyn uıymdastyrǵan jastar nazarǵa ilikken. 

Jas jigitterdiń shekten shyǵyp, aspanǵa qarýmen oq atqany, kortejdegi júrgizýshiler jol erejesin buzyp, avarııalyq jaǵdaı týǵyzǵany vıdeodan kórinip tur. 

Oqıǵa Saıram aýdanynda bolǵan.

Beınejazbadaǵy oq atqan 19 jastaǵy turǵynnan túsinikteme alynyp, qolyndaǵy sıgnaldyq zat bolyp shyqty.

Jas jigitke ÁQBtK 485-baby 1-bóligimen hattama toltyryldy.

«Sonymen qatar jol erejesin buzǵan Toyota Camry avtokóliginiń júrgizýshisine QR ÁQBtK 606-baby 1-bóligimen, Hyunday Santa Fe kóligine QR ÁQBtK 606-baby 1-bóligi, 603-baby 1-bóligi, 590-baby 2-bóligimen shara qoldanyldy. Oǵan qosa Mercedes Benz júrgizýshisi QR ÁQBtK-niń 606-baby 1-bóligi boıynsha jaýapqa tartyldy» deıdi polıtsııa.