Túrkistanda qos azamattyǵy bar amerıkalyq erli-zaıyptyǵa aıyppul salyndy

<p>TÚRKІSTAN. KAZINFORM - Kóliktegi polıtsııa departamentiniń qyzmetkerleri QR Kóshi-qon zańnamasyn buzǵany úshin 1483 sheteldikti ákimshilik jaýapkershilikke tartty. Onyń ishinde sot sheshimi boıynsha 484 sheteldik elden shyǵarylsa, qos azamattyǵy bar 181 adamǵa qatysty tıisti sharalar qabyldanǵan.&nbsp;</p>

Túrkistan qalasy áýejaıyndaǵy jelilik polıtsııa bólimshesiniń kóshi-qon qyzmetiniń qyzmetkerleri QR UQK-niń Shekara qyzmetimen birlesip júrgizgen reıdttik jumystar barysynda qos azamattyǵy bar AQSh turǵyndaryn anyqtady. 54 jáne 45 jastaǵy erli zaıyptylar Qazaqstan Respýblıkasynyń azamattyǵy týraly zańnamasyn buzǵan.

«Kólik polıtseıleri quqyq buzýshylarǵa qatysty Qazaqstan Respýblıkasynyń zańnamasynda belgilengen merzimde shetel azamattyǵyn alý faktisin habarlamaǵany úshin ákimshilik hattama toltyryp, materıaldy Túrkistan oblysynyń mamandandyrylǵan ákimshilik sotyna joldady. Sot sheshimi boıynsha shetel azamattaryna 200 AEK (738 400 teńge) mólsherinde aıyppul salyndy», - delingen Kóliktegi polıtsııa departamentiniń baspasóz qyzmeti usynǵan aqparatta.