Túrkistanda qyzmetkerleriniń syıaqysyn jymqyrǵan «Veterınarlyq qyzmet» basshysy sottaldy

<p>ASTANA. KAZINFORM &mdash; Túrkistan qalalyq sotynyń úkimimen oblystyq veterınarııa basqarmasynyń &laquo;Veterınarlyq qyzmet&raquo; ShJQ MKK basshysy B. Begmanov sottaldy, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti.</p>

— Ol aýdandyq veterınarııalyq qyzmetterdiń 115 qyzmetkerine syıaqy retinde tólengen jalpy somasy 5,5 mln teńgeni jınaý arqyly qyzmettik ókilettigin asyra paıdalanǵany úshin kináli dep tanyldy. Sot úkimimen B. Begmanovqa 3 jyl 6 aı merzimge bas bostandyǵyn shekteý jazasy taǵaıyndalyp, memlekettik qyzmette jáne kvazımemlekettik sektor sýbektilerinde laýazymdy qyzmet atqarý quqyǵynan ómir boıyna aıyryldy. Sot úkimi zańdy kúshine engen joq, — delingen habarlamada.

Aıta keteıik, Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.

Buǵan deıin habarlaǵanymyzdaı, Abaı oblysynda 9-synyp oqýshysy sybaılas jemqorlyqqa qarsy oıyn jasap shyǵardy.