Túrkistanda qazynaly qarttar men ardaqty ardagerlerge qurmet kórsetildi
Óńirdi damytý jumystary men kórsetkishterge toqtalyp, bul ıgi jetistikterde qazynaly qarttardyń da úlesi mol ekenin atap ótti.
– Sizderdi búgingi Halyqaralyq qarttar kúnimen, meıirim men izgilik merekesimen shyn júrekten qutttyqtaımyn! Úlkendi syılaý, olarǵa qurmet kórsetý – ejelden kele jatqan saltymyz. Sizder otanshyl bolmystaryńyzben, ataly sózderińizben el birligin saqtaýǵa úles qosyp júrsizder. Aǵa býynnyń memleketimizdiń qalyptasýyna, eldiń barlyq baǵytta turaqty damýyna, qoǵamdaǵy ultaralyq kelisimdi nyǵaıtýǵa qosqan úlesi zor. Ásirese, qaıta jańǵyrǵan Túrkistan oblysynyń jańa tarıhynda esimderińiz qurmetpen atalary anyq. Ótken aptada Memleket basshysy Túrkistan oblysyna jumys saparymen kelip, aımaqtaǵy jumystardy joǵary baǵalady. Aǵa býynmen, zııaly qaýymmen júzdesip, aýyzbirshilikti saqtap kele jatqan ardagerlerge alǵys bildirip, eńbekqorlyqty nasıhattaýǵa shaqyrdy. Sizder osy ustanymǵa saı bolyp, elimizdiń, oblysymyzdyń damýyna úles qosyp kelesizder. Osy eńbekterińiz úshin shynaıy alǵysymdy bildiremin! - dedi oblys ákimi.
Memleket basshysynyń bastamasymen «Túrkistan qalasynyń erekshe mártebesi týraly» Zań jobasy ázirlenip, Parlament qaraýyna usynyldy. Atalǵan zań, Túrkistannyń tarıhı kelbetin, ıAssaýı kesenesin saqtaý, qalanyń rýhanı baǵytta órkendeýiniń kepili bolmaq. Osy ıgi bastamalardy júzege asyrýda ardagerlerdiń aqyl-keńesi men tájirıbesi nazarǵa alynatynyn atap ótken Darhan Satybaldy bir top ardagerdi «Oblysqa sińirgen eńbegi úshin» tósbelgisi men oblys ákiminiń Qurmet gramotasymen marapattady.
«Ardagerler uıymy» respýblıkalyq birlestiginiń Túrkistan oblystyq fılıalynyń tóraǵasy Jeńisbek Máýlenqulov, «Túrkistan oblysynyń Aqsaqaldar alqasy» qoǵamdyq birlestiginiń tóraǵasy Jarylqasyn Áziretbergenuly, «Qoǵamdyq kelisim» KMM janyndaǵy Aqsaqaldar keńesiniń tóraǵasy Sozaqbaı Ábdiqulov, Túlkibas aýdandyq Ájeler alqasynyń tóraıymy Kúlbıbi Eshenqulova, «Ardagerler uıymy» respýblıkalyq qoǵamdyq birlestiginiń Tólebı aýdandyq fılıalynyń tóraǵasy Átirhan Shyńǵysbaevtar bátýaly oılar aıtyp, óńirdi damytý, el birligin saqtaý, rýhanııat, ardagerlerge qoldaý kórsetý baǵytyndaǵy pikirlerin bildirdi.
Kezdesý saltanatty is-sharaǵa ulasyp, qazynaly qarttarǵa qurmet kórsetildi. Merekelik dastarqanda kontsert tamashalady. Oblys ákiminiń orynbasary Beısenbaı Tájibaev quttyqtaý sóz sóılep, eńbegi elengen ardagerlerge alǵys hat tabystady. Jıyn barysynda birqatar ardager oblystyq máslıhat pen «Amanat» partııasynyń Túrkistan oblystyq fılıalynyń atynan marapattaldy. «Ardagerler uıymy» respýblıkalyq birlestiginiń Túrkistan oblystyq fılıalynyń tóraǵasy Jeńisbek Máýlenqulov izgi lebizin bildirip, tósbelgiler tapsyrdy. Oblystyń 150-den astam zeınetker men ardager qatysqan merekelik shara ári qaraı kontserttik baǵdarlamaǵa ulasyp, Shámshi Qaldaıaqov atyndaǵy fılarmonııa men «Jańa lep» óner ujymy, «Samǵaý» bı toby óner kórsetti.
Túrkistan oblysynda zeınetkerler men qarttardyń áleýmettik jaǵdaıyn jaqsartý baǵytynda júıeli jumys atqarylyp keledi. Óńirlerde «Belsendi uzaq ómir súrý» ortalyqtaryn ashý tapsyrylǵan. Osy atalǵan jospardy iske asyrý aıasynda búgingi tańda oblysta 15 ortalyq ashylyp, 80 myńǵa jýyq zeınetker tıisti qyzmettermen qamtylýda. Túrkistan qalasynda osyndaı ortalyqtarǵa suranysy kóbeıýine baılanysty qalanyń kórikti jerlerinde 3 ortalyq zeınetkerlerge qyzmet kórsetýde. Bul ortalyqtarda qarııalarǵa barlyq jaǵdaı jasalǵan.
Jalpy oblysta 200 myńǵa jýyq zeınet jasyndaǵy qart pen ardagerler turady. Onyń 11-i Ekinshi dúnıejúzilik soǵys ardagerleri bolsa, 3,2 myńnan astamy tyl eńbekkerleri. Sonymen qatar 100 jastan asqan 60 qart azamat turady. Onyń ishinde jasy eń úlkeni – Jetisaı aýdanynyń 110 jasqa tolǵan turǵyny Begbaeva Ýngaı.
Oblystyq bıýdjet esebinen demalys oryndarynda 8 myńǵa jýyq qarııa demalyp, densaýlyǵyn túzeıdi. Sol demalys oryndarynyń biri – «Ardagerler úıin» Túrkistan oblysyna kóshirip, kelesi jyly ardagerlerdi qabyldaý kózdelip otyr.
Aıta keteıik, elimizde jyl saıyn bul mereke saltanatty túrde atalyp ótedi. Túrkistan oblysynyń da barlyq aýdan, qalasynda maǵynaly is-sharalar uıymdastyrylyp, ardagerler ardaqtalvp jatyr.