Túrkistanda Dostyq úıi salynyp jatyr

<p>TÚRKІSTAN. KAZINFORM - Alǵys aıtý kúnine oraı oblystyq Qazaqstan halqy Assambleıasy janyndaǵy qurylymdar men etnomádenı birlestik basshylary Dostyq úıin salyp jatqan qurylysshylarǵa qurmet kórsetti.</p>

Dostyq úıiniń qurylysy búgingi tańda qarqyndy júrip jatyr. Qazir alǵashqy eki qabatynyń qabyrǵalary qalanyp qoıǵan. Nysan qazan aıynyń sońynda paıdalanýǵa beriledi dep josparlanyp otyr.

Foto: Túrkistan oblystyq QHA

Igi shara barysynda qurylys alańynda aq dastarhan jaıylyp, as berildi. Birlikke úndegen basqosýda Túrkistan oblysy qoǵamdyq damý basqarmasynyń basshysy Erlan Kúzembaev Alǵys aıtý kúni merekesiniń eldigimizdi nyǵaıtýda mańyzy zor ekenin erekshe atap ótti.

Al qurylysshylar ózderiniń eńbekterin elep-eskergeni úshin etnomádenı birlestik ókilderine shynaıy rızashylyqtaryn bildirdi.

Jıyn sońynda birqatar etnomádenı birlestikterdiń jetekshileri izgi tilekterin aıtyp, Jańa Qazaqstandy órkendetýge shaqyrdy.