Túrkistanda destrýktıvti dinı aǵym jaqtaýshysynan 5 keli marıhýana tárkilendi

<p>Túrkistan oblysy polıtsııa departamentiniń ekstremızmge qarsy is-qımyl basqarmasynyń qyzmetkerleri esirtki quraldaryn zańsyz saqtady degen kúdikpen Kentaý qalasynyń turǵynyn ustady, dep habarlaıdy <a href="Kazinform." target="_blank" rel="noopener">Kazinform.</a></p>

Kúdiktini teksergen tártip saqshylary polıetılen paketke salynǵan esirtki zatyna uqsas erekshe ıisi bar 10 oramany tapty. Al, páterin tintý barysynda 17 qaǵaz jáne polıetılen paket oramasyn, 41 sirińke qoraby men shyny ydysqa salynǵan esirtkige uqsas zattardy tárkiledi. Sondaı-aq 6 banka men 1 paketke salynǵan esirtki tuqymyna uqsas zat, 9 túp esirtkisi bar ósimdik jáne 1 patron alyndy. 

«Atalǵan faktini polıtseıler QR QK-niń 296-baby «Ótkizý maqsatynsyz esirtki zattarymen, psıhotroptyq zattarmen, olardyń analogtarymen zańsyz jumys isteý» men QR QK-niń 297-baby «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha tirkedi. Belgilengen saraptamaǵa sáıkes, alynǵan zattar jalpy salmaǵy shamamen 5 keli bolatyn «marıhýana» esirtkisi bolyp shyqty. Qazirgi tańda sotqa deıingi tergeý amaldary júrgizilip jatyr. Kúdikti qamaýǵa alyndy», - delingen Túrkistan oblysy polıtsııa departamentiniń baspasóz qyzmeti taratqan aqparatta. 

Foto: Túrkistan oblysy PD